एसपीपी केपी ओली नेतृत्वको सरकारकै पालामा अघि बढेको पुष्टि :  महामन्त्री शर्मा

उनले कूटनीतिक मर्यादाविपरीत सो प्रोग्राममा सामेल भएर नेपाली सेना पनि विवादमा पहिलो पटक सामेल भएको भन्दै असन्तुष्टि समेत व्यक्त गरे ।

नेपाल शिक्षक संघ, ललितपुरले शनिबार पाटनढोकामा गरेको कार्यक्रममा उनले सो प्रोग्राम राष्ट्रको हितमा नभएकाले अघि नबढाउने कुरा प्रधानमन्त्री शेरबहादुर देउवाले स्पष्ट पारिसकेको उल्लेख गर्दै नेपालले मुलुकको हितविपरीत कुनै पनि सन्धि, सम्झौता नगर्ने दोहोर्‍याए । महामन्त्री थापाले नेपालले अमेरिका, भारत, चीन कुनै पनि मुलुकबाट देश र जनताका हितका लागि सहयोग लिन सक्ने तर सैन्य गतिविधिमा भने कहिल्यै पनि सहभागी नहुने बताए । उनले एसपीपीबारे राष्ट्रिय एकतालाई कमजोर बनाउने गरी अभिव्यक्ति नदिन पनि राजनीतिक दलका नेताहरुको ध्यानाकर्षण गराए ।

कार्यक्रममा ललितपुर महानगरपालिकाका मेयर चिरीबाबु महर्जनले ललितपुरको शैक्षिक क्षेत्रको विकासका लागि आफूले सक्दो पहल गर्ने प्रतिबद्धता व्यक्त गरे । मेयर महर्जनले अघिल्लो कार्यकालमा आफूले गल्ती नगरेकै कारण जनताका आफूलाई पुन: निर्वाचित गरेको उल्लेख गर्दै अब झनै गतिशील भएर काम गर्ने आश्वासन दिए । उनले ललितपुर जिल्ला शैक्षिक हबको रुपमा रहेको उल्लेख गर्दै त्यहाँको सामूदायिक विद्यालयको पनि शैक्षिक गतिविधिलाई उन्नत बनाउन आफूले विज्ञहरुसँग परामर्श गरेर काम गरिरहेको बताए ।