नेपालको संवेदनशीलता अनुसार नचल्नेलाई राेक लगाउनुपर्छ : अध्यक्ष नेपाल- समाचार - कान्तिपुर समाचार

नेपालको संवेदनशीलता अनुसार नचल्नेलाई राेक लगाउनुपर्छ : अध्यक्ष नेपाल

'एसपीपीसँगको संलग्नता के हाे ? दस्तावेजकाे वास्तविकता के हाे ? याे तथ्य स्पष्ट हुनुपर्छ ।'
कान्तिपुर संवाददाता

काठमाडौँ — नेकपा एकीकृत समाजवादीका अध्यक्ष माधवकुमार नेपालले नेपाल आफ्नो असंलग्न परराष्ट्र नीतिमा अगाडि बढ्न तयार हाे कि हाेइन भन्ने स्पष्ट हुन जरुरी रहेको बताएका छन् ।

शुक्रबार अन्तर्राष्ट्रिय समितिको छलफलका क्रममा नेता नेपालले एसपीपी विवादमा आएको बताए । 'एसपीपीबारे छलफल गर्नुपर्छ । २०७२ कार्तिक १० गते भएकाे रहेछ । कुन प्रधानमन्त्री र रक्षामन्त्रीकाे पालामा भएको भन्ने स्पष्ट हुनुपर्छ । काे जाेडिने काे नजाेडिने यथार्थ हुनुपर्छ, 'उनले भने, 'अर्को कुरा नेपाल आफ्नो असंलग्न परराष्ट्र नीतिमा अगाडि बढ्न तयार हाे कि हाेइन भन्ने स्पष्ट हुन जरुरी छ । हामीले खुट्टा कमाउने हाेइन । नेपालकाे संवेदनशीलता अनुसार नचल्नेलाई नेपालमा राेक लगाउनुपर्छ ।'

एसपीपीसँगको संलग्नता के हाे भन्नेमा सरकार स्पष्ट हुनुपर्ने उनको भनाइ थियो ? 'एसपीपीसँग संलग्नतामा के हाे ? दस्तावेजकाे वास्तविकता के हाे ? याे तथ्य स्पष्ट हुनुपर्छ,' उनले भने ।

नेपाल कुनै पनि सैन्य गठबन्धनमा जाेठिन सक्दैन भन्नका लागि अलमलाउनुपर्ने आवश्यकता नरहेको उनले बताए । उनले भने, 'प्रधानमन्त्रीले एसपीपीमा सही गर्ने प्रश्नै उठ्दैन भन्नुभएको छ । कसैले भनेपनि मान्दैन भन्ने उहाँको अडान सुनेर खुसी भए । उत्तरी सीमामा तालिम गर्न दिने कुरै उठ्दैन भन्नुभएको छ।'

आफ्नो पार्टी एकीकृत समाजवादी राष्ट्रिय हितमा दृढ भएर उभिनुपर्छ भन्नेमा रहेको उनले बताए । उनले भने, 'कुनै दबाब वा फकाएकाे आधारमा, नशामा वन मिठाइमा नफसिकन राष्ट्रिय हितलाई ध्यानमा राखेर जानुपर्छ भन्नेमा पार्टी स्पष्ट छ ।'

प्रकाशित : असार ३, २०७९ १०:१०
प्रतिक्रिया
पठाउनुहोस्

एसपीपी सेनालाई मान्य छैन : प्रधानसेनापति

कान्तिपुर संवाददाता

काठमाडौँ — प्रधानसेनापति प्रभुराम शर्माले एसपीपी कार्यक्रम सेनालाई मान्य नभएको बताएका छन् । प्रतिनिधिसभाकाे अन्तर्राष्ट्रिय सम्बन्ध समिति बैठकमा शुक्रबार प्रधानसेनापति शर्माले एसपीपी नआएको र आए पनि मान्य नहुने बताए ।

'एसपीपी कुनै हालतमा हाम्रो काम छैन । एसपीपी हाम्रो लागि मान्य छैन,' प्रधानसेनापति शर्माले भने । बाहिर डकुमेन्ट सार्वजनिक भएपछि क्रिया र प्रतिक्रिया आउनु स्वाभाविक भए पनि अब त्यसमा बिराम लगाउनुपर्ने बताए ।

सुरुमा मानवीय सहयोगका लागि कुरा आएकोले पत्राचार भएको उनको भनाइ थियाे । 'मानवीय सहयोगका लागि चिठी लेखेको हाे सैन्य गठबन्धनमा जाने भएपछि हामी जाने हाेइन,' उनले भने ।

एसिया प्यासिफिक क्षेत्र हेर्ने अमेरिकी सैनिक जर्नेल फ्लिनलाई पनि सैन्य गठबन्धनमा नजाेडिने स्पष्ट भाषामा भनिएकाे प्रधानसेनापति शर्माले बताए ।

प्रकाशित : असार ३, २०७९ १०:०७
पूरा पढ्नुहोस्
प्रतिक्रिया
पठाउनुहोस्
x
×