कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

चार हिमालबाट ३४ हजार केजी फोहोर संकलन

काठमाडौँ — नेपाली सेनाले सफा हिमाल अभियान–२०२२ अन्तर्गत सर्वोच्च शिखर सगरमाथासहित चार हिमालबाट ३३ हजार ८ सय ७७ किलो फोहोर संकलन गरेको छ । सरकारको कार्यक्रमअन्तर्गत सेनाले तेस्रो पटक विश्वका ८ हजारभन्दा अग्ला सगरमाथा, ल्होत्से, कञ्चनजंघा र मनास्लुबाट फोहोर संकलन गरेको हो । यस पटकको गत चैत २२ मा थालिएको अभियान जेठ २२ अर्थात् विश्व वातावरण दिवसका दिन आइतबार सकिएको छ ।

चार हिमालबाट ३४ हजार केजी फोहोर संकलन

संकलित फोहोरमध्ये कुहिने ७ हजार २ सय २७ किलो स्थानीय गाउँपालिका तथा नकुहिने २६ हजार ६ सय ५० केजी रिसाइकल एजेन्सीलाई हस्तान्तरण गरिएको सेनाले जनाएको छ । अभियानका दौरान कञ्चनजंघा आधार शिविरमा फेला परेका मान्छेका दुई अस्थिपञ्जर कानुनी प्रक्रियाका लागि ताप्लेजुङस्थित जिल्ला प्रहरी कार्यालयलाई बुझाइएको थियो ।

सैनिक मुख्यालयमा आयोजित कार्यक्रममा प्रधानसेनापति प्रभुराम शर्माले हिमाल सफाइका क्रममा सगरमाथा, ल्होत्से तथा सेनाका तर्फबाट प्रथम पटक कञ्चनजंघा हिमाल सफलतापूर्वक आरोहण गर्ने ७ जनालाई प्रोत्साहनस्वरूप प्रधानसेनापति प्रशंसा निसान हस्तान्तरण गरे । जलवायु परिवतन कुनै एक मुलुकको मात्र समस्या नभएको उल्लेख गर्दै उनले सबै मिलेर वातावरणको संरक्षण गर्नुपर्ने बताएका थिए ।


प्रकाशित : जेष्ठ २२, २०७९ २१:५६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?