भैरहवा नजिकै रात्रिबस दुर्घटना- समाचार - कान्तिपुर समाचार

भैरहवा नजिकै रात्रिबस दुर्घटना

माधव ढुंगाना

भैरहवा — जनकपुरबाट भैरहवातर्फ जाँदै गरेको यात्रुसहितको बस आइतबार बिहान भैरहवा-परासी हुलाकी राजमार्ग खण्डमा दुर्घटनामा परेको छ ।

दुर्घटनामा कति जनाको मृत्यु भयो भन्नेबारे प्रमाणित रुपमा खुल्न बाँकी छ । सुरक्षाकर्मी र स्थानीयको उद्धारमा करिब ३ दर्जन घाइते यात्रुलाई उद्धार गरी अस्पतालमा पुर्‍याइएको छ ।

लु २ ख ३८४१ नम्बरको उक्त रात्रिकालीन बस आइतबार बिहान पौने ५ बजेतिर भैरहवा नजिकैको रोहिणी खोलाको पुलबाट तल खोलामा खसेको हो । जिल्ला ट्राफिक प्रहरी कार्यालय रुपन्देहीका प्रहरी निरीक्षक केशव केसीले तीनवटा जेसीभीको माध्यमबाट दुर्घटनामा परेको बसलाई पल्टाएर यात्रुको उद्धार गर्ने क्रम जारी रहेको बताए ।

केसीका अनुसार अहिलेसम्म ३२ जना यात्रुलाई उद्धार गरी भैरहवास्थित भीम अस्पतालमा र युनिभर्सल शिक्षण अस्पतालमा पुर्‍याइएको छ । ‘दुर्घटनामा केही यात्रुको मृत्यु पनि भएको हुन सक्छ तर यसबारे अस्पतालबाटै प्रमाणित हुन सक्ला‚’ केसीले भने ।

प्रकाशित : जेष्ठ २२, २०७९ ०६:०५
प्रतिक्रिया
पठाउनुहोस्

सिद्धार्थनगरमा कांग्रेसको अग्रता       

माधव ढुंगाना

भैरहवा — भैरहवाको सिद्धार्थनगर नगरपालिकामा गठबन्धनका उम्मेदवार कांग्रेसका ईश्तियाक अहमद खानले अग्रता लिएका छन् ।

सिद्धार्थनगर नगरपालिका वडा नम्बर १ को ७ सय ९२ मत गणनामा कांग्रेसका खानले ३ सय ९१, राष्ट्रिय प्रजातन्त्र पार्टीका सागरप्रताप राणाले १ सय ६५ र एमालेका रामप्रसाद बस्यालले ६२ मत प्राप्त गरेका छन् ।

उपप्रमुखमा जनता समाजवादी पार्टीकी आसमा खातुनले १ सय ४४, गठबन्धनको तर्फबाट माओवादी केन्द्रकी कमला थापाले १ सय २७, राष्ट्रिय प्रजातन्त्र पार्टीकी विनिता गुप्ताले १ सय ७ मत प्राप्त गरेकी छन् ।


१ नम्बर वडा अध्यक्षमा नेपाली कांग्रेसले ४ सय १६, जनता समाजवादी पार्टीले १ सय ६५ र एमालेले ४८ मत प्राप्त गरेको छ ।



प्रकाशित : वैशाख ३१, २०७९ ०८:०९
पूरा पढ्नुहोस्
प्रतिक्रिया
पठाउनुहोस्
×