मानव अधिकार आयोगले थाल्यो अनुसन्धान- समाचार - कान्तिपुर समाचार
कान्तिपुर वेबसाईट
AdvertisementAdvertisement
सुन्दर हरिजनको मृत्यु

मानव अधिकार आयोगले थाल्यो अनुसन्धान

कान्तिपुर संवाददाता

काठमाडौँ — राष्ट्रिय मानव अधिकार आयोगले रोल्पा जिल्ला कारागारमा मृत्यु भएको घटनामा अनुसन्धान सुरु गरेको छ । बाँकेको नेपालगञ्जका सुन्दर हरिजन रोल्पाको जिल्ला कारागारमा सट्टा कैदीबन्दीको रूपमा जेल सजाय भोगिरहेकोे अवस्थामा जेठ ४ गते मृत्यु भएकोे थियो ।

घटनाको विषयमा आयोगले संवेदनशील रुपमा लिई स्वतन्त्र र निष्पक्ष छानविन गरी दोषीलाई कानुनी दायरामा ल्याउन, आगामी दिनमा यस प्रकारका घटना नदोहोरिने बातावरणको सुनिश्चितता गर्न तथा व्यक्तिको जीवनको अधिकार संरक्षण गर्ने गराउने कार्यमा संवेदनशील हुन सरकारको ध्यानाकर्षण गराएको छ ।

आयोगका प्रवक्ता टीकाराम पोखरेलले विज्ञप्ति जारी गर्दै घटनाका विषयमा विहीबारदेखि आयोगले स्थलगतरुपमा अध्ययन र अनुसन्धान थालेको जानकारी दिए ।

मोवाइल चोरीको आरोपमा नावालक अवस्थामा कारागार चलान गरिएका हरिजनले हातहतियार मुद्दामा जेल सजाय तोकिएका सुर्खेतका विजयविक्रम शाहको नाममा रोल्पा कारागारमा रहेको अवस्थामा मृत्यु भएको थियो ।

प्रकाशित : जेष्ठ २०, २०७९ १५:२५
प्रतिक्रिया
पठाउनुहोस्

जिल्ला समन्वय समिति कास्कीमा एमालेको प्यानलै विजयी

कान्तिपुर संवाददाता

कास्की — जिल्ला समन्वय समिति कास्कीमा नेकपा एमाले विजयी भएको छ । प्रमुखमा लीलाधर पौडेलसहित सबै प्यानलै एमालेबाट निर्वाचित भएको हो । पौडेलले कांग्रेसका दीपेन्द्र ढकाललाई पराजित गरेका हुन् । 

यसैगरी उपप्रमुखमा एमालेकै सरिता माल विजयी भइन् । उनले माओवादी केन्द्रकी उषा थापालाई हराइन् । सदस्यमा बालिका सुवेदी, हर्कबहादुर गुरुङ, राजु अधिकारी चुनिए ।

महिला सदस्यमा सुकमाया नेपाली, सीतादेवी विक, लक्ष्मी दमै चुनिए भने दलित वा अल्पसंख्यकबाट गणेशबहादुर घर्ती जिसी निर्वाचित भएका छन् ।

प्रकाशित : जेष्ठ २०, २०७९ १५:२५
पूरा पढ्नुहोस्
प्रतिक्रिया
पठाउनुहोस्
x
×