पोखरा — पोखरा विमानस्थल केही समयका लागि अवरुद्ध हुने भएको छ । जहाजमा इन्धन भर्न गएको ट्यांकर धावनमार्ग छेउमा पल्टिएर इन्धन पोखिएपछि उडान अवरुद्ध भएको पोखरा विमानस्थलका सूचना अधिकारी देवराज सुवेदीले कान्तिपुरलाई बताए ।
'अहिले क्रेन ल्याएर ट्यांकर उठाउँदै छौं । सरसफाइ पनि चलिरहेको छ । इन्धन पोखिएपनि कुनै किसिमको क्षति भएको छैन । ,' प्रवक्ता सुवेदीले भने । सोही कारण करिब एक घन्टाजस्तो बिहानी सेवाका उडान अवरुद्ध हुने उनले बताए ।
प्रतिक्रिया
