अमेरिकी उपमन्त्रीले नेपाली भूमिमा तिब्बती शरणार्थीहरुलाई उक्साउने काम गरिन् : ओली- समाचार - कान्तिपुर समाचार
कान्तिपुर वेबसाईट
AdvertisementAdvertisement

अमेरिकी उपमन्त्रीले नेपाली भूमिमा तिब्बती शरणार्थीहरुलाई उक्साउने काम गरिन् : ओली

कान्तिपुर संवाददाता

काठमाडौँ — नेकपा एमालेका अध्यक्ष केपी शर्मा ओलीले अमेरिकी विदेश मन्त्रालयको नागरिक सुरक्षा, प्रजातन्त्र तथा मानवअधिकार सम्बन्धी उपमन्त्री उज्रा जियाले नेपालस्थित तिब्बती शरणार्थी क्याम्पमा पुगेर शरणार्थीहरुलाई उक्साउने काम गरेको आरोप लगाएका छन् । 

एमाले संसदीय दलको बैठकलाई सम्बोधन गर्दै अध्यक्ष ओलीले जियाको भ्रमणको क्रममा नेपालको परराष्ट्र नीतिको स्थापित मूल्य र मान्यतालाई खण्डित गर्ने काम भएको बताए ।

'अमेरिकी उपसहायक विदेशमन्त्रीको नेपाल भ्रमणमा नेपालको परराष्ट्र नीतिका स्थापित मूल्य र मान्यताहरु छन् त्यसलाई खण्डित गर्ने प्रकारको व्यवहार भयो,' अध्यक्ष ओलीलाई उद्धृत गर्दै एमाले संसदीय दलका प्रमुख सचेतक विशाल भट्टराईले भने, 'नेपालले जहिलो पनि राष्ट्रिय हितलाई प्राथमिकता दिन्छ, हामी अहस्तक्षेप र कुनै पनि देशको मामिलामा जहिले पनि असंलग्न रहँदै आएको स्थितिमा तिब्बती शरणार्थीको क्याम्पमा पुगेर जुन प्रकारले उक्साउने काम भयो र नेपाली भूमिलाई प्रयोग गर्ने त्यो वास्तवमा बेठीक थियो भन्ने विषय पनि हाम्रो पार्टीको अध्यक्षले सविस्तार चर्चा गर्नु भएको थियो ।'

बैठकमा अध्यक्ष ओलीले सधैंभर नेपालको परराष्ट्र नीति असंलग्न रहँदै आएको पनि स्मरण गराएका थिए । उपमन्त्री जियाले गत साता तीनदिने नेपाल भ्रमण गरेकी थिइन् । भ्रमणको क्रममा उनले ललितपुरको जालवालेखमा रहेको तिब्बती शरणार्थी शिविरको पनि भ्रमण गरेकी थिइन् ।

प्रकाशित : जेष्ठ ११, २०७९ १७:५९
प्रतिक्रिया
पठाउनुहोस्

यामाहाको नयाँ बाइक आर १५ एम नेपाली बजारमा 

कान्तिपुर संवाददाता

काठमाडौँ — यामाहाको नयाँ बाइक आर १५ एम नेपाली बजारमा सार्वजनिक गरिएको छ । नेपालका लागि यामाहाको आधिकारिक विक्रेता एमडब्लू इन्टरप्राइजेजले उक्त बाइक सार्वजनिक गरेको हो ।  नेपालमा ल्याइएको यामाहाका मोटरसाइकलमध्ये यो सबैभन्दा उत्कृष्ट प्रविधि र विशेषताका साथ रहेको कम्पनीको दावी छ । यसको मूल्य नेपाली बजारमा ५ लाख ७९ हजार ९ सय रुपैयाँ तोकिएको छ । 

एम र आर सिरिजजस्ता रेसिङ दुनियाामा चर्चित बाइकको पााचौ जेनेरेशन भनिएको यस आर १५ एम मुख्यत: ट्रयाक स्पिड, कर्भ, र स्पोर्टस् बाइकमा रुची राख्ने युवालाई लक्षित गरी तयार पारिएको कम्पनीको दावी छ । यसका अतिरिक्त ‘एसिस्ट एण्ड स्लिपर क्लच’ र ‘भीभीएजस्ता प्रणालीले आर १५ एम १५५ लाई अझ चुस्त, छरितो र प्रभावकारी बनाई समग्र पफर्मेन्सलाई नयाँ उचाइ प्रदान गरेको कम्पनीको भनाइ छ ।

यसलाई दुई प्रकारको मोडमा चलाउन मिल्ने गरी तयार पारिएको कम्पनीले जनाएको छ । राइडरले सडकको अवस्थाको अनुकुलता मध्यनजर गर्दै आफूले चाहेअनुसार उच्च कार्यसम्पादका लागि ‘ट्रयाक मोड’ र सहरभित्र मितव्ययी कार्यसम्पादनका साथ गरिने यात्राका लागि ‘स्ट्रीट मोड’मा स्वीच गर्न सक्ने सुविधा छ । १५५ सीसी एलसीभी एसओएचसी फ्युल इन्जेक्टेड इन्जिनको साथ तयार पारिएको शक्तिशाली बाइक हो । यसले १० हजार आरपीएममा १८.४ एचपी अधिकतम पावर र ७५०० आरपीएममा १४.२ एनएम टर्क जेनेरेट प्रदान गर्ने यामाहा नेपालका सीईओ राजु क्षेत्रीले बताए ।

कम्पनीले आफ्नो नयाँ स्किम ‘रोड टू मोटो जीपी’ पनि सार्वजनिक गरेको छ । यस स्किममा चार भाग्यशाली विजेताले यामाहा प्याडकबाट च्याङ अन्तर्राष्ट्रिय सर्किट, थाइल्याण्डको प्रत्यक्ष मोटोजीपी प्रसारण हेर्ने सुवर्ण अवसर पाउने कम्पनीले जनाएको छ ।

प्रकाशित : जेष्ठ ११, २०७९ १७:५८
पूरा पढ्नुहोस्
प्रतिक्रिया
पठाउनुहोस्
×