बलात्कारसम्बन्धी अपराधमा हदम्याद तोकिनुहुन्नँ : पौडेल

'मुलुकी अपराध संहिता-२०७४ र बालबालिकासम्बन्धी ऐनमा बलात्कार कसुरबारे उजुरीको हदम्याद तोकिएको छ,' उनले सामाजिक सन्जालमार्फत् भनेका छन्, 'त्यहीकारण पीडितहरु प्रताडनाबाट गुज्रने गरेको पाइएको छ। बलात्कारका पुराना घटनाको उजुरी नलिदाँ पीडितले हरेश खाने तथा अपराधीले सहजै उन्मूक्ति पाउने अवस्था छ। यस्ता अपराधमा समय सीमाको हदम्याद तोकिनुहुन्नँ।'

विहीबारमात्रै आठ वर्षअघि भएको एक सुन्दरी प्रतियोगिताकी एक प्रतिस्पर्धीले आफुमाथि आयोजकले बलात्कार र यौन शोषण गरेको घटना सार्वजनिक गरेकी थिइन् । हदम्यादका कारण आफुले न्याय पाउने अवस्था नरहेको ती युवतीको गुनासो छ । अधिकारकर्मी र युवाहरुले शुक्रबार विहान बलात्कार सम्बन्धी मुद्दामा रहेको हदम्यादको व्यवस्था हटाउन माग गर्दै बालुवाटारमा प्रदर्शन गरेका छन् ।