बलात्कारसम्बन्धी अपराधमा हदम्याद तोकिनुहुन्नँ : पौडेल- समाचार - कान्तिपुर समाचार
कान्तिपुर वेबसाईट
AdvertisementAdvertisement

बलात्कारसम्बन्धी अपराधमा हदम्याद तोकिनुहुन्नँ : पौडेल

कान्तिपुर संवाददाता

काठमाडौँ — नेपाली कांग्रेसका नेता प्रदीप पौडेलले बलात्कारसम्बन्धी मुद्दामा लगाइएको हदम्याद हटाउनुपर्ने बताएका छन् । उनले त्यस्तो हदम्यादका कारण अपराधीले सहजै उन्मुक्ति पाउने र पीडित कमजोर हुने अवस्था रहेको बताए । 

'मुलुकी अपराध संहिता-२०७४ र बालबालिकासम्बन्धी ऐनमा बलात्कार कसुरबारे उजुरीको हदम्याद तोकिएको छ,' उनले सामाजिक सन्जालमार्फत् भनेका छन्, 'त्यहीकारण पीडितहरु प्रताडनाबाट गुज्रने गरेको पाइएको छ। बलात्कारका पुराना घटनाको उजुरी नलिदाँ पीडितले हरेश खाने तथा अपराधीले सहजै उन्मूक्ति पाउने अवस्था छ। यस्ता अपराधमा समय सीमाको हदम्याद तोकिनुहुन्नँ।'

विहीबारमात्रै आठ वर्षअघि भएको एक सुन्दरी प्रतियोगिताकी एक प्रतिस्पर्धीले आफुमाथि आयोजकले बलात्कार र यौन शोषण गरेको घटना सार्वजनिक गरेकी थिइन् । हदम्यादका कारण आफुले न्याय पाउने अवस्था नरहेको ती युवतीको गुनासो छ । अधिकारकर्मी र युवाहरुले शुक्रबार विहान बलात्कार सम्बन्धी मुद्दामा रहेको हदम्यादको व्यवस्था हटाउन माग गर्दै बालुवाटारमा प्रदर्शन गरेका छन् ।

प्रकाशित : जेष्ठ ६, २०७९ १३:२३
प्रतिक्रिया
पठाउनुहोस्

स्थानीय निर्वाचनमा पराजित भएपछि एमाले मुगुका सचिवद्वारा राजीनामा

कान्तिपुर संवाददाता

मुगु — नेकपा एमालेका मुगु जिल्लाका सचिव डबल रोकायाले राजीनामा दिएका छन् । स्थानीय निर्वाचनमा मुख्य पदमा पार्टीले हार बेर्होनुपरेको भन्दै एमाले जिल्ला कमिटी सचिव रोकायाले शुक्रबार दिउँसो पदबाट राजीनामा दिएका छन् ।

जिल्लास्तरमा एमाले संगठन राम्रो हुँदाहुँदै सरकारमा रहेका दलहरूको गठबन्धनका कारण एमालेले मुगुका चार स्थानीय तहमा एक उपाध्यक्षबाहेक अरु प्रमुख पदमा नराम्रोसँग पराजय भोग्नु परेको भन्दै सचिव रोकायाले पदबाट राजनीनामा दिएका हुन् ।

उक्त राजीनामामा पार्टीमा अराजक अस्थिरता व्यक्तिवाद, स्वेच्छाचारितालाई निरुत्साहित गर्न र पार्टी संगठनलाई थप प्रभावकारी, गतिशील, ऊर्जाशील बनाउन आफूले पार्टीको सचिव पदबाट राजीनामा दिएको रोकायाले उल्लेख गरेका छन् ।

एमालेले मुगुका कुनै पनि पालिका जित्न सकेन । चार स्थानीय तह रहेको मुगुमा एमाले एक स्थानीय तहको उपाध्यक्ष मात्रै जितेको छ । मुगुम कार्मारोङ्ग गाउँपालिकाको उपाध्यक्ष मात्रै एमालेले जतेको छ ।

प्रकाशित : जेष्ठ ६, २०७९ १३:१७
पूरा पढ्नुहोस्
प्रतिक्रिया
पठाउनुहोस्
×