तनहुँको शुक्लागण्डकीमा कांग्रेसका पण्डित र माओवादी केन्द्रका विक विजयी- समाचार - कान्तिपुर समाचार
कान्तिपुर वेबसाईट
AdvertisementAdvertisement

तनहुँको शुक्लागण्डकीमा कांग्रेसका पण्डित र माओवादी केन्द्रका विक विजयी

सम्झना रसाइली

तनहुँ — शुक्लगण्डकी नगरपालिकाको प्रमुख र उपप्रमुखमा सत्ता गठबन्धनका उम्मेद्वार बिजयी भएका छन् । मेयरमा गठबन्धनबाट नेपाली कांग्रेसका कृष्णराज पण्डित र उपप्रमुखमा नेकपा माओवादी केन्द्रबाट खुमबहादुर बिक बिजयी भएका हुन् ।

मेयरमा निर्वाचित पण्डितले १२ हजार २६३ मत पाए भने उनका निकटतम प्रतिद्वन्द्वी नेकपा एमालेबाट प्रमुखका उम्मेद्वार मुक्तिनाथ तिम्सिनाले ९ हजार ८४० मत ल्याए ।

उपमेयरमा निर्वाचित बिकले १० हजार २३२ मत ल्याए भने एमालेकी फुलमाया वाग्लेले ९ हजार ८५७ मत ल्याइन् । नगरपालिकाका १२ वटा वडामध्ये एमालेले ६, कांग्रेसले ५ र माओवादी केन्द्रले एक वटा वडामा बिजयी हासिल गरेको छ ।


प्रकाशित : जेष्ठ ४, २०७९ १९:४२
प्रतिक्रिया
पठाउनुहोस्

व्यासको रिस्तीमा मतदान सकियो, ९९५ मत खस्यो

सम्झना रसाइली

तनहुँ — तनहुँको व्यास नगरपालिका–८ रिस्तीमा बुधबार पुन: मतदान सकिएको छ । रिस्ती गाविस भवन फेदी (क) र (ख) मा भएको मतदान केन्द्रमा ९९५ मत खसेको मतदान अधिकृत नारायणप्रसाद ढकालले जानकारी गराएका छन् । 

रिस्तीको (क) र (ख) मतदान केन्द्रमा १ हजार ५७६ मतदाता छन् । गत वैशाख ३० गते भएको निर्वाचनका दुवै केन्द्रमा ९२२ मत खसेको थियो ।

स्थानीय निर्वाचनअन्तर्गत वैशाख ३० गते आयोजित मतदान कार्य निर्वाचन आयोगले रद्द गरी पुन: मतदान गरिएको हो । उक्त दिन दिउँसो व्यासका मेयरका स्वतन्त्र उम्मेदवार दीपकराज जोशीमाथि आक्रमण भएपछि निर्वाचन आयोगले मतदान रद्द गर्ने निर्णय गरेको थियो ।

प्रकाशित : जेष्ठ ४, २०७९ १८:२५
पूरा पढ्नुहोस्
प्रतिक्रिया
पठाउनुहोस्
×