स्याङ्जाको वालिङमा मेयर एमाले र उपमेयरमा कांग्रेसका उम्मेदवार निर्वाचित- समाचार - कान्तिपुर समाचार
कान्तिपुर वेबसाईट
AdvertisementAdvertisement

स्याङ्जाको वालिङमा मेयर एमाले र उपमेयरमा कांग्रेसका उम्मेदवार निर्वाचित

प्रतीक्षा काफ्ले

स्याङ्जा — वालिङ नगरपालिको मेयरमा एमाले र उपमेयरमा कांग्रेसका उम्मेदवार विजयी भएका छन् । मेयरमा एमालेका कृष्ण खाँण निर्वाचित हुँदा उपमेयरमा कांग्रेसकी उम्मेदवार कविता तिवारी निर्वाचित भएकी छन् ।

निकटतम प्रतिस्पर्धी वालिङ नगरपालिकाका निवर्तमान मेयर कांग्रेसका दिलिपप्रताप खाँणलाई २ हजार १ सय ८३ मतान्तरले पछाडि पार्दै एमालेका कृष्ण विजयी भएका हुन् । बुधबार सकिएको मतगणना परिणाम अनुसार कृष्णले १३ हजार ७ सय ७६ मत प्राप्त गर्दा पराजित भएका दिलिपले ११ हजार ५ सय ९३ मत ल्याए ।

यस्तै, उपमेयरमा प्रतिस्पर्धी एमालेकी खगिसरा थापालाई ४ सय ८२ मतान्तरले पछि पार्दै कांग्रेसकी कविता तिवारी विजयी भएकी छन् । तिवारीले १२ हजार ८ सय २२ मत प्राप्त गरिन् । थापाले भने १२ हजार ३ सय ४० मत प्राप्त गरेकी छन् । थापा २०७४ को स्थानीय तह निर्वाचनमा कांग्रेसकी कल्पना तिवारीसँग उपमेयरमै पराजित भएकी थिइन् ।

वालिङ नगरपालिकाका १४ वडामध्ये कांग्रेसले ६ र एमालेले ८ वडाध्यक्ष जितेका छन् । निर्वाचन कार्यालयको सचिवालयका अनुसार वडा नम्बर १ मा कांग्रेसका पदमराज गुरुङ, २ मा कांग्रेसका पोतबहादुर लम्साल, ३ मा एमालेका भीमबहादुर गुरुङ, ४ मा एमालेका हरिप्रसाद खनाल, ५ मा कांग्रेसका छवि आले, ६ मा एमालेका श्यामकृष्ण श्रेष्ठ, ७ मा एमालेका पाण्डुकुमार थापा, ८ मा एमालेका दामोदर तिवारी, ९ मा एमालेका अमृत श्रेष्ठ, १० मा कांग्रेसका सुनिल खनाल, ११ मा कांग्रेसका डण्डापानी पंगेनी, १२ मा एमालेका विश्वजंग गुरुङ, १३ मा एमालेका नमलाल डुम्रे र १४ मा कांग्रेसका राजु कुँवर अध्यक्ष निर्वाचित भएका छन् ।

प्रकाशित : जेष्ठ ४, २०७९ ११:०३
प्रतिक्रिया
पठाउनुहोस्

भरतपुरमा अझै एक लाख मत गन्न बाँकी

रेनु दाहाल १७१२ मतले अगाडि
रमेशकुमार पौडेल

चितवन — भरतपुर महानगरपालिकाका २९ मध्ये ६ वटा वडाहरूको मतगणना सकिँदा अझै एक लाख मत गन्न बाँकी छ । वडा नम्बर ६ को अन्तिम मत परिणाम आउँदा मेयर पदमा सत्तारूढ गठबन्धनबाट उम्मेदवार बनेकी माओवादी केन्द्रकी रेनु दाहाल नेकपा एमालेका विजय सुवेदीको भन्दा एक हजार ७१२ मतले अगाडि छिन् ।

मतगणनाका क्रममा भरतपुर महानगरपालिकाका मेयर उम्मेदवारहरू रेनु दाहाल, विजय सुवेदी र जगन्नाथ पौडेल । तस्बिर : रमेशकुमार पौडेल/कान्तिपुर ।

भरतपुर महानगरपालिकामा एक लाख २७ हजार ८३९ ले मतदान गरेका थिए। वडा नम्बर ६ को गणना सकिँदा २७ हजार ४३८ मत गनेर सकिएको छ । अहिलेसम्मको नतिजा अनुसार दाहालले नौ हजार ९७० र सुवेदीले आठ हजार २५८ मत ल्याएका छन् ।

यस्तै स्वतन्त्र उम्मेदवार जगन्नाथ पौडेलको ४ हजार ३१५ मत आएको छ । उपमेयरमा सत्तारूढ गठबन्धनबाट कांग्रेसका उम्मेदवार चित्रसेन अधिकारीको ११ हजार ९५६ र एमालेको समर्थनमा राप्रापाकी उपमेयर उम्मेदवार हिमला गुरूङको ६ हजार ७४२ मत आएको छ ।

वडा नम्बर ६ मा पनि नेपाली कांग्रेसका उम्मेदवार वडाध्यक्ष पदमा विजयी भएका छन् । भरतपुरको वडा नम्बर ३ बाहेक हालसम्म गणना सकिएका सबै वडाहरूमा कांग्रेसका उम्मेदवार वडाध्यक्षमा विजयी भएका छन् ।

अघिल्लो चुनावमा जितेकामध्ये दुईवटा वडा एमालेले गुमाएको छ । भरतपुरमा दूरसञ्चार रोडमा रहेको चितवन उद्योगको प्रदर्शनी केन्द्रमा मत गणना भइरहेको छ ।

प्रकाशित : जेष्ठ ४, २०७९ १०:५५
पूरा पढ्नुहोस्
प्रतिक्रिया
पठाउनुहोस्
×