प्रधानमन्त्री देउवाको भाइको निधन- समाचार - कान्तिपुर समाचार

प्रधानमन्त्री देउवाको भाइको निधन

कान्तिपुर संवाददाता

काठमाडौँ — नेपाली कांग्रेसका सभापति एवं प्रधानमन्त्री शेरबहादुर देउवाका सहोदर भाइ प्रेमबहादुर देउवाको ६७ वर्षको उमेरमा गए राति काठमाडौंमा उपचारका क्रममा निधन भएको छ ।

सामाजिक व्यक्तित्वका रुपमा परिचित स्वर्गीय प्रेमबहादुर देउवाका श्रीमती, दुई छोरा र दुई छोरी छन् । उनको आजै पशुपति आर्यघाटमा अन्त्येष्टि गरिएको छ ।

सभापति देउवा, उपसभापति पूर्णबहादुर खड्कालगायतले उनको पार्थिव शरीरमा कांग्रेसको झन्डा ओढाएर अन्तिम श्रद्धाञ्जली व्यक्त गरेका थिए ।प्रेमबहादुर देउवाको निधनमा कांग्रेसले दुःख व्यक्त गरेको छ ।

प्रकाशित : जेष्ठ ३, २०७९ १५:३७
प्रतिक्रिया
पठाउनुहोस्

निर्वाचनपछि खुलेको सेयर बजारमा भारी गिरावट, झण्डै ८५ अंकले घट्यो नेप्से

कान्तिपुर संवाददाता

काठमाडौँ — स्थानीय निर्वाचनको सार्वजनिक विदापछिको पहिलो कारोबार दिन नेप्सेमा भारी गिरावट आएको छ । निर्वाचन सम्पन्न भएर धमाधम नतिजा आइरहेको बेला सेयर बजारमा पनि सकारात्मक प्रभाव पर्ने अपेक्षा विपरित बजारमा करिब ८५ अंकको गिरावट आएको हो ।

कारोबारमा आएका सबै उपसमूहको परिसूचक घटेपछि समग्र नेप्सेमा भारी गिरावट आएको हो । उक्त दिन फाइनान्स र अन्य उपसमूहका लगानीकर्ताले धेरै गुमाएका छन् ।

उक्त गिरावटपछि नेप्से २ हजार २ सय ६५‍.५२ विन्दुमा ओर्लेको छ । अघिल्लो कारोबार दिन (स्थानीय निर्वाचन अघिको) तुलनामा ३.६१ प्रतिशतले कम हो ।

नेप्सेका अनुसार मंगलबार २ सय २१ कम्पनीको १ अर्ब ६४ करोड ४० लाख ९६ हजार १ सय ९२ रुपैयाँ बराबरको ३५ लाख ९५ हजार ७ सय ४८ कित्ता सेयर किनबेच भएका छन् । नेप्से घटेपछि सेयर बजारको आकार कुल बजार पुँजीकरण पनि घटेर ३२ खर्ब २२ अर्ब रुपैयाँमा सिमित भएको छ ।

प्रकाशित : जेष्ठ ३, २०७९ १५:३४
पूरा पढ्नुहोस्
प्रतिक्रिया
पठाउनुहोस्
×