महिला उम्मेदवारलाई हराउँदा नराम्रो सन्देश जान्छ : देउवा - समाचार - कान्तिपुर समाचार
कान्तिपुर वेबसाईट
AdvertisementAdvertisement

महिला उम्मेदवारलाई हराउँदा नराम्रो सन्देश जान्छ : देउवा 

कान्तिपुर संवाददाता

काठमाडौँ — प्रधानमन्त्री तथा नेपाली कांग्रेस सभापति शेरबहादुर देउवाले महिला उम्मेदवारलाई दुनियाँले राम्रो, नराम्रो भन्ने बताएका छन् । काठमाडौंमा शुक्रबार पाँच दलीय गठबन्धनको सभालाई सम्बोधन गर्दै महिला उम्मेदवारलाई हराउँदा सन्देश नराम्रो जाने बताए ।

‘बाबुआमाले विवाह प्रकाशमानसँग गरिदिए सिर्जनाको के दोष ? आमाबाबुले बिहे गरिदिए बिचरीले के गरुन्,’ देउवाले भने, ‘राजधानीको उम्मेदवार महिला हुनु ठूलो कुरा हो । महिलालाई हराए दुनियाँले के भन्छन् ?’

कार्यक्रममा देउवाले भरतपुरमा रेनु दाहालले राम्रो काम गरेको र आफूले नै उम्मेदवार बनाउन जोड दिएको बताए । ‘प्रचण्डजीको छोरी भएर जन्मनु अपराध होइन । कहाँ जन्मिने कुरा हातमा हुँदैन । प्रचण्डको छोरी हुनु गल्ती होइन, कति राम्रो काम गर्नु भएको छ ।’

प्रकाशित : वैशाख २३, २०७९ १७:४७
प्रतिक्रिया
पठाउनुहोस्

चुनावमा विमानस्थल बन्द नहुने

कान्तिपुर संवाददाता

काठमाडौँ — त्रिभुवन अन्तर्राष्ट्रिय विमानस्थल कार्यालयले स्थानीय चुनावका बेला हवाई सेवा बन्द नहुने जनाएको छ । 

काठमाडौं विमानस्थलका महाप्रबन्धक प्रेम नाथ ठाकुरले शुरक्षा निकायसँग शुक्रबार भएको बैठकमा विमानस्थल सुचारु हुने निर्णय भएको बताए ।

‘स्थानीय निर्वाचनमा अन्तर्राष्ट्रिय र आन्तरिक विमानस्थल बन्द हुँदैन,’ महाप्रबन्धक ठाकुरले भने, ‘वायुसेवाहरुले यात्रुहरुको संख्याका आधारमा उडान कटौती गर्ने उनीहरुको विषय हो तर उडान नियमति हुने छन् ।’

नागरिक उड्डयन प्राधिकरणका महानिर्देशक प्रदीप अधिकारीले हालसम्म काठमाडौं लगायत देशभरका विमानस्थल बन्द गर्ने कुनै पनि निर्णय नभएको बताए ।

काठमाडौं लगायत देशभरका विमानस्थलमा दैनिक ३ सय हाराहारी आन्तरिक र ५० हाराहारी अन्तर्राष्ट्रिय उडान हुने गरेका छन् ।

प्रकाशित : वैशाख २३, २०७९ १७:३१
पूरा पढ्नुहोस्
प्रतिक्रिया
पठाउनुहोस्
×