कांग्रेसको चुनाव परिचालन समितिले काम थाल्यो

समितिका संयोजक एवम् पार्टी उपसभापति खड्काले बुधबार नै सो समितिको बैठक बोलाएका छन् । एक नेताका अनुसार अहिले उपसभापति खड्काले सभापतिबाहेक केन्द्रीय कार्यसमितिका पदाधिकारीहरू र पार्टीका प्रदेश सभापतिहरूसँग छलफल गर्दैछन् ।

मुख्यसचिव कृष्णप्रसाद पौडेलले उपसभापति खड्काले केन्द्रीय समितिका पदाधिकारी र प्रदेश सभापतिका सभापतिहरुसँग चुनावकै तयारीका विषयमा छलफल गर्न बैठक बोलाएको जानकारी दिए ।

‘आसन्न चुनावमा पार्टीलाई कसरी परिचालित गर्ने भन्नेबारे छलफल गर्न बैठक बोलाइएको हो । पार्टीका सभापतिबाहेक पदाधिकारीज्यूहरू र प्रदेश सभापतिहरू सहभागी हुनुहुन्छ,’ उनले भने । कांग्रेसले देशव्यापी रुपमा एकमहिने चुनावी अभियान सञ्चालन गरिरहेको छ भने ७५३ वटै स्थानीय तहमा चुनावी गतिविधिलाई तीव्र बनाएको छ ।

कांग्रेस केन्द्रीय समिति बैठकमा ७७ वटै जिल्लामा खटिएका केन्द्रीय प्रतिनिधिहरूले धारणा राखेका थिए । कांग्रेसले आसन्न निर्वाचनमा स्थानीय आवश्यकता र अवस्थाका आधारमा चुनावी तालमेल गर्ने निर्णय गरेको छ ।