कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १६४

शिक्षा सुधार गर्न सके अन्य क्षेत्रको सुधार हुन्छ : शिक्षामन्त्री पौडेल

काठमाडौँ — शिक्षा, विज्ञान तथा प्रविधिमन्त्री देवेन्द्र पौडेलले नेपालको शिक्षालाई सुधार गर्न सके मात्रै अन्य क्षेत्रहरुमा सुधार आउने बताएका छन् ।

शिक्षा सुधार गर्न सके अन्य क्षेत्रको सुधार हुन्छ : शिक्षामन्त्री पौडेल

बुधबार निजी तथा आवासीय विद्यालय अर्गनाइजेसन, नेपाल (प्याब्सन)को १५ औं राष्ट्रिय महाधिवेशनलाई सम्बोधन गर्दै मन्त्री पौडेलले शिक्षा क्षेत्रको सुधार गर्न सकेमा अन्य क्षेत्रमा स्व: सुधार हुने बताए ।

उनले देशको समृद्धिको लागि शिक्षा पहिलो ढोका भएको बताए । शिक्षामा सुधार गर्ने देशहरुले मात्रै अन्य क्षेत्रमा प्रगति गर्न सकेको सन्दर्भ जोड्दै उनले शिक्षालाई देशको समृद्धिको निम्ति प्रयोग गर्नुपर्ने बताएका थिए ।

‘हामी नेपालीहरु भौतिक समृद्धि र आत्मिक समृद्धिको खुसीमा अगाडि बढ्नु छ र त्यसको निम्ति पहिलो ढोका भनेको शिक्षा हो । खुसी हुने ढोका । शिक्षा भएन भने देशको अरु कुराको सुधारको सम्भावना छैन । जुन देशले शिक्षामा सुधार गर्‍यो त्यो देशले अरु क्षेत्रमा प्रगति गरेको हामी पाउँछौं । देशको समग्र समृद्धिको निम्ति सक्षम इन्जिनियर, सक्षम डाक्टर, सक्षम शिक्षक, सक्षम प्राध्यापक चाहियो । सक्षम व्यक्ति र व्यक्तित्वहरुको आवश्यकता हुन्छ । र हामी भौतिक समृद्धिको बाटोतर्फ अगाडि बढ्न सक्छौं । त्यो भौतिक समृद्धि प्राप्त गर्न शिक्षा नभइ नहुने महत्वपूर्ण विषय हो,' मन्त्री पौडेलले भने ।

यस्तै देशलाई सक्षम जनशक्ति उत्पादन गर्ने शिक्षा आवश्यक रहेको मन्त्री पौडेलले बताएका थिए । साथै शिक्षालाई सीपमा बदल्दै रोजगारसँग जोड्ने शिक्षा आवश्यक रहेको उनको भनाइ छ ।

प्रकाशित : चैत्र ९, २०७८ १६:२३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?