विश्वविद्यालयलाई ब्यारेक बनाउँछु भन्नेलाई कुलपति बनाउने गरिएको छ : सहप्राध्यापक लामिछाने

सोमबार कान्तिपुर पब्लिकेसनद्वारा सञ्चालित एजुकेसन समिट-२०२२ को तेस्रो सत्रमा 'ज्ञानको गन्तव्य स्वदेश कि विदेश ?' विषयमा बोल्दै उनले नेपालमा दलगत प्राध्यापक मात्रै भएको तर विद्यार्थीलाई पढाउने, अनुसन्धानमा सघाउने प्राध्यापक नभएको दाबी गरे ।

'यहाँ कि त कांग्रेसका प्राध्यापक छन् कि कम्युनिस्टका तर विद्यार्थीलाई पढाउने र अनुसन्धानमा सघाउने प्राध्यापक नै भएनन्,' उनले भने ।

शिक्षालयको कुलपति प्रधानमन्त्री बन्ने व्यवस्थामा परिवर्तन नआएसम्म विश्वविद्यालयमा रहेका बेथिति नहट्ने भन्दै सहप्राध्यापक लामिछानेले भने, ‘शिक्षालयको कुलपति प्रधानमन्त्री बन्ने व्यवस्था छ; यो व्यवस्थामा फेरबदल नआएसम्म र विश्वविद्यालयलाई स्वायत्त संस्थाका रूपमा विकसित नगरेसम्म विश्वविद्यालयका बेथिति घट्दैनन् ।’

‘हामीले त्यस्तालाई कुलपति बनाउने गरेका छौं, जसले लहडमा विश्वविद्यालयलाई ब्यारेक बनाइदिनुपर्छ भन्छ,’ लामिछानेले प्रश्न गरे, ‘यस्तोमा हाम्रा विश्वविद्यालय आकर्षणका केन्द्र कसरी बन्न सक्छन् ?’