७ हजार ८८४ परीक्षणमा ८३ संक्रमित, १३० जना निको

काठमाडौँ — नेपालमा २४ घण्टामा ७ हजार ८८४ परीक्षण हुँदा ८३ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयले मंगलबार दिएको जानकारीअनुसार देशभर ४ हजार ७३४ पीसीआर परीक्षणमा ५७ र ३ हजार १५० एन्टिजेन परीक्षणमा २६ जनामा पोजिटिभ देखिएको हो ।  

२४ घण्टामा १३० जना निको भएका छन् । सोही अवधिमा १ लाख ३ हजार ५३८ जनाले खोप लगाएका छन् ।

मंगलबारसम्म नेपालमा सक्रिय संक्रमितको संख्या ४ हजार ७४६ रहेको छ ।