माओवादीको केन्द्रीय समिति बैठक सर्‍यो- समाचार - कान्तिपुर समाचार
कान्तिपुर वेबसाईट
AdvertisementAdvertisement

माओवादीको केन्द्रीय समिति बैठक सर्‍यो

कान्तिपुर संवाददाता

काठमाडौँ — सत्तारुढ नेकपा (माओवादी केन्द्र)को केन्द्रीय समिति बैठक सोमबार ११ बजेसम्मका लागि सारिएको छ । सोमबारको बैठकमा पदाधिकारी चयनबारे छलफल हुने अध्यक्ष पुष्पकमल दाहालको सचिवालयले जनाएको छ ।

आइतबारका लागि बोलाइएको बैठक संसद् बैठक पनि आजै परेकाले सारिएको दाहालको सचिवालयले जनाएको छ ।

आजको बैठकमा अध्यक्ष दाहालले अमेरिकी सहयोग सम्झौता एमसीसीका सम्बन्धमा उठेका विभिन्न सवालमा जवाफ दिने कार्यक्रम तय गरिएको थियो । यस्तै स्थायी समिति, पोलिटब्यूरो सदस्य चयन र केन्द्रीय समितिमा थप गर्ने सदस्यका बारेमा छलफल गर्ने कार्यसूची रहेको थियो । माओवादी बैठक शनिबारदेखि सुरु भएको हो । पहिलो दिनको बैठकमा अध्यक्ष दाहालले एमसीसी संसद्‌बाट अनुमोदन लगायत समसामियक विषयमा बोलेका थिए ।

गत पुसमा आठौं महाधिवेशन सम्पन्न गरेको माओवादीले अध्यक्षबाहेक अन्य पदाधिकारी चयन गरेको छैन ।


प्रकाशित : फाल्गुन २२, २०७८ १४:२५
प्रतिक्रिया
पठाउनुहोस्

घोराहीमा ११ जना जुवाडे पक्राउ

दुर्गालाल केसी

दाङ — घोराहीमा जुवातास खेलेको आरोपमा ११ जना पक्राउ परेका छन् । घोराही उपमहानगरपालिका १५ स्वस्थानी टोलस्थित न्यू सुप्रिया होटल एण्ड लजमा शनिबार बेलुका जुवातास खेलिरहेको गोप्य सूचनाका आधारमा पुगेको प्रहरी टोलीले २ लाख २१ हजार ३ सय ५ रुपयाँ नगदसहित ११ जनालाई पक्राउ गरेको जिल्ला प्रहरी प्रवक्ता डीएसपी मुकुन्दप्रसाद रिजालले बताए ।

पक्राउ पर्नेमा होटल सञ्चालन सन्धीखर्क ८ अर्घाखाँचीका ५२ वर्षीय गोपालबहादुर कुँवर, रुण्टीगढी ७ रोल्पाका ३४ वर्षीय सरोज पुन, ३६ वर्षीय घनश्याम वली, घोराही ५ का ३० वर्षीय कृष्ण बहादुर रावत र घोराही १३ का ३९ वर्षीय मनबहादुर खड्का छन् ।

यसैगरी घोराही १६ का ३५ वर्षीय रमेश कुँवर, घोराही १३ का ४५ वर्षीय खेमराज गिरी, घोराही ४ का ४२ वर्षीय काशिराम भट्टराई, घोराही १५ का ५५ वर्षीय भूमबहादुर केसी, बबई ६ दाङका ३० वर्षीय युवराज केसी र प्यूठान ५ का २८ वर्षीय जीवन नेपाली पक्राउ परेका छन् ।

पक्राउ परेकालाई प्रहरीले आइतबार सार्वजनिक गरेको छ । उनीहरुलाई नियन्त्रणमा राखेर थप अनुसन्धान गरिरहेको डीएसपी रिजालले जानकारी दिए ।

प्रकाशित : फाल्गुन २२, २०७८ १४:२४
पूरा पढ्नुहोस्
प्रतिक्रिया
पठाउनुहोस्
×