विवेकशील साझा छाडेका हमाल धनगढीको मेयरमा उठ्ने- समाचार - कान्तिपुर समाचार
कान्तिपुर वेबसाईट
AdvertisementAdvertisement

विवेकशील साझा छाडेका हमाल धनगढीको मेयरमा उठ्ने

मोहन बुडाऐर

धनगढी — विवेकशील साझा पार्टी छाडेका सुदूरपश्चिमका व्यवसायी गोपाल हमालले धनगढी उपमहानगरपालिकाको प्रमुख पदमा उम्मेदवारी दिने घोषणा गरेका छन् ।

धनगढीमा बिहीबार कार्यक्रम गरेर व्यवसायी हमालले वैशाख ३० गते हुने स्थानीय तह निर्वाचनमा मेयर पदमा चुनाव लड्ने घोषणा गरेका हुन् ।

सुदूरको प्रतिष्ठित दिनेश ग्रुपका प्रबन्ध निर्देशक रहेका हमाल कैलाली उद्योग वाणिज्य संघका अध्यक्ष तथा नेपाल उद्योग वाणिज्य महासंघका पूर्वकेन्द्रीय सदस्य हुन् ।

हमाल २०७४ सालको स्थानीय तहको निर्वाचनमा धनगढी उपमहानगरपालिकाको मेयर पदमा पराजित भएका थिए । गत स्थानीय चुनावको परिणामपछि विवेकशील साझा पार्टीमा प्रवेश गरेका हमालले पुन: धनगढी उपमहानगरको मेयर पदमा स्वतन्त्र उम्मेदवारी दिने भन्दै पार्टी परित्याग गरेका छन् ।

यसअघि उनी विकेकशीलका सुदूरपश्चिम संयोजक थिए । ‘धेरैं शुभेच्छुक साथी, मित्र र मतदाताहरुबाट पुन: स्वतन्त्र उम्मेदवारको रुपमा उम्मेदवार बन्न सुझाएकाले विवेकशील पार्टी परित्याग गरेको हुँ’ उनले भने, ‘धनगढीलाई नमुना सहरको रुपमा विकास गर्न स्वतन्त्र उम्मेदवारी दिएको हुँ ।’

हमालको उम्मेदवारी घोषणा कार्यक्रममा धनगढी नगर क्षेत्रका व्यवसायी, बुद्धिजीवीलगायत स्थानीयवासीको उपस्थिति थियो ।

प्रकाशित : फाल्गुन १९, २०७८ १७:१६
प्रतिक्रिया
पठाउनुहोस्

नोबेल मेडिकल कलेजका विद्यार्थीको रिले अनशन

कान्तिपुर संवाददाता

काठमाडौँ — नोबेल मेडिकल कलेजका विद्यार्थीहरुले अन्य शिक्षण अस्पतालमा पढ्नका लागि स्थान्तरणको  माग राख्दै रिले अनशन सुरु गरेका छन् । 

बिहीबारदेखि काठमाडौंको माइतीघर मण्डलमा चिकित्सा शिक्षा आयोगले लिएको एकीकृत प्रवेश परीक्षाबाट योग्यता श्रेणीमा पास गरेर चिकित्सा शिक्षा आयोगको नियमानुसार काठमाडौं विश्वविद्यालयमा भर्ना भई नोबेल मेडिकल क्यापसमा एमबीबीएस पढ्न विद्यार्थीले अनसन सुरु गरेका हुन् ।

नोबेल कलेजबाट पीडित १० विद्यार्थीहरूले सरकारले बनाएको नियम कानुन नमान्ने क्यापसबाट अन्य शिक्षण अस्पतालमा पढ्ने वातावरणसहित स्थानान्तरण गर्न सरकारसाग माग राख्दै रिले अनसन भोक हड्ताल तथा धर्ना सुरु गरेका हुन् ।

नोबेलका विद्यार्थीले ८० दिनदेखि निरन्तर रुपमा अध्ययन शुल्कको अतिरिक्त शुल्क हटाउन माग गर्दै आन्दोलन गरिरहेका छन् । अनसनरत विद्यार्थी रुपेश पौडेलले चिकित्सा शिक्षा आयोजले उपत्यकाबाहिरका मेडिकल कलेजले ४४ लाखमा एमबीबीएस पढाउन भने पनि नोबेल मेडिकल कलेजले त्योभन्दा बढी शुल्क लिएकाले विद्यार्थी आन्दोलित भएको बताए । नोबेल कलेजले सरकारले तोकेको भन्दा बढी शुल्क लिएपछि राज्यका सबै निकायमा अतिरिक्त शुल्क घटाउनका लागि माग लिएर गए पनि कसैले नसुनेको उनको भनाइ छ ।

धेरै विद्यार्थीले आत्मसमपर्ण गरेर कलेजले तोकेको शुल्कमा पढ्न थाले पनि १० जना विद्यार्थी भने शिक्षण अस्पतालमा स्थानन्तरणको लागि रिले अनसन सुरु गरिएको उनले बताए ।

प्रकाशित : फाल्गुन १९, २०७८ १७:१५
पूरा पढ्नुहोस्
प्रतिक्रिया
पठाउनुहोस्
x
×