१८.१२°C काठमाडौं
पलले भने- म आजै प्रहरी सामु उपस्थित हुन्छु
काठमाडौँ — जबरजस्ती करणीको आरोप लागेका अभिनेता पल शाह (पूर्णविक्रम शाह) आज प्रहरी सामु उपस्थित हुने भएका छन् । फेसबुकमार्फत अभिनेता शाहले आफ्नो स्वास्थ्य बिग्रिएको र घर व्यवहार मिलाउनु परेकाले केहि ढिला भएको भन्दै आज आफैं प्रहरी सामु उपस्थित हुने बताएका हुन् ।
उनले लेखेका छन्‚ ‘मेरो आफ्नो स्वास्थ्य स्थिति बिग्रिएको हुनाले साथै घरको सबै घर व्यवहार मिलाउनु परेकाले र मेरो फिल्म ‘म यस्तो गित गाउँछु-२’ गत शुक्रबारदेखि नेपालभर प्रदर्शन भएका कारण फिल्मलाई असर नपरोस् भनी म प्रहरीसामु उपस्थित हुन नसकेकोमा माफी माग्न चाहन्छु ।’
अभिनेता शाहले नेपालको कानुनलाई सम्मान गर्दै आइतबार नेपाल प्रहरीसामु आफैं उपस्थित हुने बताएका हुन् ।
१७ वर्षीया किशोरीले म्युजिक भिडियो छायांकनका क्रममा आफूसँग नजिक भएका शाहले बारम्बार जबर्जस्ती करणी र यौन दुर्व्यवहार गरेको भन्दै बुधबार जिल्ला प्रहरी कार्यालय तनहुँमा जाहेरी दिएकी थिइन् ।
प्रकाशित : फाल्गुन १५, २०७८ ११:५८
