प्रधानन्यायाधीशविरुद्ध महाअभियोग स्थानीय चुनाव सार्ने षड्यन्त्र : ओली

नयाँ बानेश्वरमा जारी एमाले संसदीय दलको बैठकलाई सम्बोधन गर्दै नेता ओलीले महाअभियोग प्रस्ताव गलत भएको बताएका छन् । ‘यो सबै (महाअभियोग) गलत छ । सत्तापक्ष र प्रतिपक्षी दलबीच औपचारिक बैठक बसेर एक प्रकारको निर्णय गरेको थियो तर त्यसको एक सातापछि यस्तो काम(महाअभियोग) गर्‍यो’ नेता ओलीलाई उद्धृत गर्दै सांसद नवीना लामाले भनिन् ।

यस्तै अध्यक्ष ओलीले सत्तारुढ गठबन्धन ५ दलविरुद्ध एमाले एक हुने पनि बताएका थिए । 'यो सबै गतिविधि स्थानीय निर्वाचन समयमा नगराउने षड्यन्त्र पनि हो,’ उनले भनेका थिए ।

यस्तै एमसीसीसहितको विषयमा एमालेलाई अन्तर्राष्ट्रिय रुपमा बेइज्जत गर्न गठबन्धनले काम गरिहेको पनि अध्यक्ष ओलीको आरोप छ । साथै सरकारको गतिविधिविरुद्ध एमालेले जन संघर्ष गर्ने बताइएको छ । तर यसबारे विस्तृतमा ब्रिफिङ आइनसकेको नेता लामाले बताइन् ।