नेपालमा एकै दिन १२ संक्रमितको मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement
कोरोना भाइरस

नेपालमा एकै दिन १२ संक्रमितको मृत्यु

कान्तिपुर संवाददाता

काठमाडौँ — नेपालमा एकै दिन कोरोना संक्रमणबाट १२ जनाको मृत्यु भएको छ । पछिल्लो २४ घण्टामा देशभर गरी १२ जनाको मृत्यु भएको स्वास्थ्य तथा जनसंख्या मन्त्रालयले बिहीबार जनाएको छ । यो सँगै कोरोनाबाट मृत्यु हुनेको संख्या ११ हजार ८६४ पुगेको छ । 

यस्तै २४ घण्टामा गरिएको ११ हजार ८८० परीक्षणमा १ हजार ३६९ जनामा संक्रमण पुष्टि भएको छ । सोही अवधिमा २ हजार २३८ जना संक्रमणमुक्त भएको मन्त्रालयको तथ्यांकमा उल्लेख छ ।

बिहीबारसम्म सक्रीय संक्रमितको संख्या २९ हजार ४ रहेको छ । २४ घण्टामा २ लाख २० हजार ६०१ जनाले खोप लगाएका छन् ।

प्रकाशित : माघ २७, २०७८ १७:२८
प्रतिक्रिया
पठाउनुहोस्

राप्रपाका उम्मेदवार सबै स्थानीय तहमा

कान्तिपुर संवाददाता

काठमाडौँ — राप्रपाले आगामी वैशाख ३० गते हुने निर्वाचनमा सबै स्थानीय तहमा उम्मेदवार उठाउने भएको छ । पार्टी कार्यालय धुम्बाराहीमा बिहीबार बसेको पदाधिकारी बैठकले सबै स्थानीय तहमा उम्मेदवार खडा गर्ने, पार्टी संगठन सुदृढ र क्रियाशील तुल्याउने, देशव्यापी घरदैलो कार्यक्रम सञ्चालन गर्नेलगायत निर्णय भएको प्रवक्ता मोहन श्रेष्ठले जानकारी दिए । 


त्यस्तै बैठकले समान विचार भएकाहरुसँग एकता, मोर्चा वा सहकार्यका लागि भइरहेका प्रयासको समीक्षा गर्दै वार्तालाई निरन्तरता दिने, संवाद सुरु नभएका व्यक्ति, समूह र दलसँगको बैठक आह्वान गर्ने निर्णय पनि गरेको प्रवक्ता श्रेष्ठले विज्ञप्तिमार्फत जनाएका छन् ।

नेता नवराज सुवेदीको संयोजकत्वमा ३ सदस्यीय केन्द्रीय अनुशासन समिति गठन गरिएको छ । समितिमा भक्तिप्रसाद सिटौला र वरिष्ठ अधिवक्ता राजु बस्नेत सदस्य छन् ।

प्रकाशित : माघ २७, २०७८ १७:२०
पूरा पढ्नुहोस्
प्रतिक्रिया
पठाउनुहोस्
×