सरकारले सीमा समस्या कूटनीतिक पहलबाट समाधान गर्छ : सञ्चारमन्त्री कार्की

‘हामी सीमा समस्याबारे सचेत छौं, चाहे भारतसँग होस् वा चीनसँग होस् । कुनै पनि समस्या छन् भने ती समस्या कूटनीतिक ढंगले समाधान गर्न सरकार तयार छ,’ उनले भने, ‘त्यस्ता समस्या समाधानका लागि सरकार सधैं प्रयत्नशील छ ।’

मन्त्री कार्कीले त्यस्ता समस्याहरूका बारेमा आफ्नै संयन्त्रमार्फत अध्ययन र समाधान गर्ने गरेको स्पष्ट पारे । ‘कसले, के रिपोर्ट दियो भनेर सरकारले त्यसको आधारमा होइन, उपयुक्त समयमा वास्तविकतालाई राम्रोसँग अध्ययन गरेर सरकारले आधिकारिक धारणा सार्वजनिक गर्छ,’ मन्त्री कार्कीले भने ।