सुनाकोठीको बालकुमारी माईको मूर्ति खोज्न अनुसन्धान टोली गठन- समाचार - कान्तिपुर समाचार
कान्तिपुर वेबसाईट
AdvertisementAdvertisement

सुनाकोठीको बालकुमारी माईको मूर्ति खोज्न अनुसन्धान टोली गठन

कान्तिपुर संवाददाता

ललितपुर — ललितपुरको सुनाकोठीबाट चोरिएको बालकुमारी माईको मूर्ति खोजीका लागि लागि पाँच सदस्यीय अनुसन्धान टोली गठन गरिएको छ ।

प्रहरी नायव निरीक्षक दीपक भारतीको संयोजकत्वमा उक्त अनुसन्धान टोली गठन गरिएको प्रहरी परिसर ललितपुरका प्रहरी उपरीक्षक शिद्धीविक्रम शाहले जानकारी दिए । उनले भने, ‘प्राविधिकसहित अनुसन्धानका लागि टोली गठन गरेका छौं, अनुसन्धानका टुलहरू प्रयोग गरेर खोजी सुरु गरिसकेका छौं । ’

ललितपुर महानगरको वडा नं. २७ मा रहेको मन्दिरबाट बालकुमारी माईको मूर्ति आइतबार सबेरै चोरी भएको थियो । चोरीमा संलग्नले चारवटा ताल्चा काटेर मन्दिरभित्र प्रवेश गरी मूर्ति चोरेका थिए ।

प्रदेश सांसद राजकाजी महर्जनले कल ट्रेसिङलगायत सम्पूर्ण अत्याधुनिक प्रविधि प्रयोग गरेर अनुसन्धानलाई चुस्त र प्रभावकारी बनाउनुपर्ने बताए । उनले भने, ‘सुनाकोठीमा अप्रिय घटना भएको छ, सुनाकोठीबासी दुःखमा हुनुहन्छ, राज्यका सम्पूर्ण संयन्त्र प्रयोग गरेर मूर्ति खोजी गर्नुपर्छ ।’

आस्थाको केन्द्र, धार्मिक, ऐतिहासिक सम्पत्तिको चोरीले सुनाकोठीबासी मर्माहत भएको प्रदेश सांसद दिनेश महर्जनले बताए ।उनले भने, ‘तदारुकता र जिम्मेवारीबोधसहित खोजीमा लागौं ।’

सम्बन्धित समाचार
सुनाकोठीमा रहेको बालकुमारी मन्दिरको मूर्ति चोरी

ललितपुर महानगरप्रमुख चिरीबाबु महर्जनले घटना निन्दनीय भएको बताए । ‘बालकुमारी माईको मूर्ति चोरी हुँदा हाम्रो मन रोएको छ, माईलाई आफ्नै घरमा फर्काउन अनुसन्धानलाई चुस्त बनाऔं ।’ महानगरका तर्फका मूर्ति खोजीका सबै खालको सहयोग गर्न तयार रहेको नगर प्रमुख महर्जनले प्रष्ट पारे । उनले भने, ‘ म सामाजिक, आर्थिक , राजनीतिक रुपमा सहयोग गर्न तयार छु, अनुसन्धान चुस्त हुनुपर्‍यो, जतिसक्दो छिटो मूर्ति सुनाकोठीमा राख्न पाइयोस् ।’

वडा नं २७ का वडाध्यक्ष बाबुराज महर्जनले अनुसन्धानका लागि सबैखाले सहयोग गर्न तयार आफू रहेको बताए ।े सहयोग गर्न तयार रहेको वचनबद्धता व्यक्त गरे ।

ललितपुर प्रमुख जिल्ला अधिकारी घनश्याम उपाध्यायले अनुसन्धानलाई चुस्त बनाउन केन्द्रीय सुरक्षा संयन्त्रसमेत लागेको जानकारी दिए ।

प्रकाशित : माघ १०, २०७८ १९:१७
प्रतिक्रिया
पठाउनुहोस्

चितवनमा पाँच सय ३७ स्वास्थ्यकर्मी सङ्क्रमित

रासस

काठमाडौँ — जिल्लाका अस्पताल तथा स्वास्थ्य संस्थामा कार्यरत ५३७ जना स्वास्थ्यकर्मीहरू कोभिड–१९ बाट सङ्क्रमित भएका छन् । सरकारी, निजी अस्पताल, पालिकाका अन्तर्गत स्वास्थ्य संस्थामा कार्यरत चिकित्सक तथा स्वास्थ्यकर्मीहरू सङ्क्रमित भएका हुन् ।

हालसम्म सबैभन्दा बढी बीपी कोइराला मेमोरियल क्यान्सर अस्पतालमा १४४ जनामा सङ्क्रमण देखिएको स्वास्थ्य कार्यालय चितवनका प्रमुख दीपकप्रसाद तिवारीले बताए ।

चितवन मेडिकल कलेजमा ११४ जना, भरतपुर अस्पतालमा ८३ जना, अन्य निजी अस्पतालमा ६२ जना, कलेज अफ मेडिकल साइन्सेसमा ३४ जनामा सङ्क्रमण पुष्टि भएको तिवारीले जानकारी दिए ।

पालिकाको स्वास्थ्य शाखाअन्तर्गत कार्यरत भरतपुर महानगरमा २८ जना, रत्ननगर नगरपालिकामा १५ जना, राप्ती नगरपालिकामा १८ जना, खैरहनी नगरपालिकामा १८ जना, कालिका नगरपालिकामा ८ जना र ईच्छाकामना गाउँपालिकामामा ९ जनामा सङ्क्रमण भएको छ । माडी नगरपालिकाको भने हालसम्म विवरण आइनसकेको तिवारीले बताए ।

स्वास्थ्य कार्यालयमा कार्यरत चार जनामा सङ्क्रमण पुष्टि भएको छ । तिवारीका अनुसार हालसम्म जिल्लामा स्वास्थ्य सेवा बन्द हुने गरी प्रभावित भएको छैन । आलोपालो गरेर स्वास्थ्य सेवा सञ्चालन भइरहेको उनले बताए । आइसोलेसनमा रहेको सात दिनमै काममा फर्किने हुँदा ठूलो समस्या नहुने अपेक्षा गरिएको तिवारीले बताए ।

हालसम्म भरतपुर अस्पतालले जिओपिडी र नियमित शल्यक्रिया सेवालाई स्थगित गरेको छ भने अन्य कुनै स्वास्थ्य संस्थाका नियमित सेवा प्रभावित बनेका छैनन् । सङ्क्रमितको सङ्ख्या धेरै भए पनि अस्पताल भर्ना हुनेको सङ्ख्या न्युन रहेका कारण जनशक्तिको अभाव नभएको तिवारी बताउँछन् ।

प्रकाशित : माघ १०, २०७८ १९:१४
पूरा पढ्नुहोस्
प्रतिक्रिया
पठाउनुहोस्
×