२४ घण्टामा थप १० हजार ३१९ मा कोरोना‚ २ हजार ५४० संक्रमणमुक्त- समाचार - कान्तिपुर समाचार

२४ घण्टामा थप १० हजार ३१९ मा कोरोना‚ २ हजार ५४० संक्रमणमुक्त

कान्तिपुर संवाददाता

काठमाडौँ — नेपालमा पछिल्लो २४ घण्टायता १० हजार ३१९ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार कुल २१ हजार २०१ जनामा पीसीआर र एन्टिजेन परीक्षण गर्दा १० हजार ३१९ जनामा संक्रमण देखिएको हो ।

१६ हजार ६५४ जनामा पीसीआर विधिबाट परीक्षण गर्दा ८ हजार ५४ र ४ हजार ५४७ जनामा एन्टिजेन विधिबाट परीक्षण गर्दा २ हजार २६५ जनामा कोरोना संक्रमण पुष्टि भएको मन्त्रालयले जनाएको छ ।

त्यस्तै सोहि अवधिमा २ हजार ५४० संक्रमित निको भएका छन् । योसँगै हालसम्म ८ लाख २४ हजार २३९ जना निको भएका छन् ।

२४ घण्टामा ४ जनाको मृत्यु भएको छ । मन्त्रालयका अनुसार हाल सक्रिय संक्रमितको संख्या ८२ हजार ५५० पुगेको छ ।

प्रकाशित : माघ १०, २०७८ १६:३३
प्रतिक्रिया
पठाउनुहोस्

संखुवासभा अस्पतालमा आपत्कालीन र सुत्केरी सेवामात्र सञ्चालन

दीपेन्द्र शाक्य

संखुवासभा — स्वास्थ्यकर्मीमा कोरोना संक्रमण फैलिएपछि जिल्ला अस्पताल संखुवासभामा सेवा प्रभावित भएका छन् । केही दिनयता अस्पतालका स्वास्थ्यकर्मीमा कोरोना देखिएपछि सुत्केरी सेवा र आपत्कालीन सेवाबाहेक सबै सेवा बन्द गरिएको छ । 

स्वास्थ्यकर्मीमा संक्रमण फैलिएकाले त्यसको असर सेवाग्राहीमा नपरोस् भनेर माघ १५ गतेसम्मका लागि अत्यावश्यकबाहेकका सेवा बन्द गरिएको अस्पतालले जनाएको छ ।

परीक्षण गरिएकामध्ये ५० प्रतिशतभन्दा धेरैमा संक्रमण देखिएपछि सोमबारदेखि नै आपत्कालीनबाहेकका सेवा बन्द गरेर फिबर क्लिनिक सञ्चालनमा ल्याइएको प्रशासन प्रमुख दीपेश श्रेष्ठले बताए ।

स्वास्थ्यकर्मीका अनुसार अहिले देखिएका संक्रमितहरूमा हल्का ज्वरो आउने, टाउको दुख्ने, मांसपेशी दुख्ने, बान्ता आउनेलगायत लक्षण देखिएका छन् ।

प्रकाशित : माघ १०, २०७८ १६:१२
पूरा पढ्नुहोस्
प्रतिक्रिया
पठाउनुहोस्
×