लोकसेवाका लिखित परीक्षा स्थगन- समाचार - कान्तिपुर समाचार
कान्तिपुर वेबसाईट
AdvertisementAdvertisement

लोकसेवाका लिखित परीक्षा स्थगन

कान्तिपुर संवाददाता

काठमाडौँ — लोकसेवा आयोगले माघ ११ गतेदेखि मसान्तसम्म हुने सबै किसिमका लिखित परीक्षा स्थगित गरेको छ । आयोगकको बिहीबार बसेको बैठकले माघ मसान्तसम्म आयोगबाट हुने पूर्वनिर्धारित सबै लिखित परीक्षा कार्यक्रम स्थगत गर्ने निर्णय गरेको हो ।

फागुन १ गतदेखि सञ्चालन हुने लिखित परीक्षाका कार्यक्रम ७ दिनको पूर्वसूचना दिई पुनः तालिकीकरण गरेर परीक्षा सञ्चालन गर्ने आयोगद्वारा जारी सूचनामा उल्लेख छ ।

बैठकले लिखित परीक्षा बाहेकका आयोगका अन्य पूर्वनिर्धारित कार्यहरु यथावत रुपमा सञ्चालन गर्ने उपसचिव एकनारायण शर्माद्वारा जारी सूचनामा उल्लेख छ ।

प्रकाशित : माघ ६, २०७८ १७:५०
प्रतिक्रिया
पठाउनुहोस्

'फोरजी एलटीई' नमस्ते वाइफाइ विस्तारका लागि टेलिकम र साइबरनेटिक्सबीच सम्झौता

कान्तिपुर संवाददाता

काठमाडौँ — एफटीटीएच उपलब्ध नभएका सुगम र अधिकांश दुर्गम स्थानमा द्रुत गतिको डाटा तथा भ्वाइस सेवा उपलब्ध गराउन नेपाल टेलिकमले फोरजी एलटीई नमस्ते वाइफाइ विस्तार गर्ने भएको छ ।

कम्पनीले फोरजी एलटीई नमस्ते वाइफाइ सेवाका विभिन्न आकर्षक प्याकेजहरु उपलब्ध गराइरहेको छ । कम्पनीले उपलब्ध गराइरहेका यी प्याकेजहरु आवश्यक डिभाइससहित ग्राहकलाई सहज रुपमा प्रदान गर्न साइबरनेटिक्स प्रालिसँग एक सम्झौता गरेको छ । बुधबार सम्पन्न सम्झौतामा कम्पनीका प्रमुख व्यावसायिक अधिकृत संगीता पहाडी र साइबरनेटिक्सका सीईओ जेम्स न्याछ्योले हस्ताक्षर गरे ।

फोरजी एलटीई नमस्ते वाइफाइमार्फत नेपाल टेलिकमले हाल व्यक्तिगत र सरकारी संस्थागत गरी दुई प्रकारका प्याकेजहरु उपलब्ध गराइरहेको छ । व्यक्तिगत प्याकअन्तर्गत होम ब्रोडव्यान्ड आधारित ८०० रुपैयाँमा ६० जीबी ३० दिनका लागि उपलब्ध छ । त्यसैगरी १ वर्षका लागि ९ हजार रुपैयाँमा ७२० जीबी प्याक उपलब्ध छ । यसलाई प्रतिमहिना ६० जीबीको दरले १२ महिनासम्म प्रयोग गर्न सकिन्छ । यी दुवैमा एड अन प्याकको रुपमा ४ सय रुपैयाँमा १५ दिनका लागि ६० जीबी प्याक लिन सकिन्छ ।

होम ब्रोडब्यान्ड प्रिमियम अन्तर्गत १ हजार २ सय रुपैयाँमा १२० जीबी प्याक ३० दिनको लागि उपलब्ध हुन्छ । त्यसैगरी १ वर्षका लागि १३ हजार ५ सय रुपैयाँमा १,४४० जीबी प्याक उपलब्ध हुन्छ । यसलाई प्रतिमहिना १२० जीबीको दरले १२ महिनासम्म प्रयोग गर्न सकिन्छ । यी दुवैमा एड अन प्याकको रुपमा ६ सय रुपैयाँमा १५ दिनका लागि १२० जीबी प्याक लिन सकिन्छ ।

सरकारी संस्थागत प्याकेजमा ३ हजार ६५० र २ हजार १०० रुपैयाँमा ३० दिनका लागि विभिन्न प्रकारका प्याकेजहरु उपलब्ध छन् । यी प्याकेजबाट अनलिमिटेड डाटा चलाउन सकिन्छ । वार्षिक र अर्धवार्षिक रुपमा एकमुष्ट प्याकेज लिने ग्राहकका लागि निश्चित छुटको समेत व्यवस्था गरिएको टेलिकमले जनाएको छ ।


प्रकाशित : माघ ६, २०७८ १७:४३
पूरा पढ्नुहोस्
प्रतिक्रिया
पठाउनुहोस्
×