पत्रकार एलबी विश्वकर्माको निधन- समाचार - कान्तिपुर समाचार

पत्रकार एलबी विश्वकर्माको निधन

कान्तिपुर संवाददाता

काठमाडौँ — पत्रकार एलबी विश्वकर्माको निधन भएको छ । बुधबार राति स्वास्थ्यमा समस्या आएपछि उनलाई पाटन अस्पतालको कोभिड वार्डमा भर्ना गरिएको थियो ।

विश्वकर्माको बिहीबार बिहान ३ बजे मृत्यु भएको अस्पतालले जनाएको छ । मृत्युको कारणबारे यकिन जानकारी आइसकेको छैन ।

अछाम रामारोशन घर भइ काठमाडौंका विभिन्न सञ्चारमाध्यममा काम गरिसकेका उनी पछिल्लो समय टिभी टुडे टेलिभिजनमा कार्यरत थिए ।

प्रकाशित : माघ ६, २०७८ १०:२९
प्रतिक्रिया
पठाउनुहोस्

भारतमा एकैदिन ३ लाखभन्दा बढीलाई कोरोना संक्रमण

कान्तिपुर संवाददाता

काठमाडौँ — भारतमा एकैदिन ३ लाखभन्दा बढीमा कोरोना संक्रमण पुष्टि भएको छ । भारतको स्वास्थ्य तथा परिवार कल्याण मन्त्रालयका अनुसार पछिल्लो २४ घण्टामा कोभिड–१९ बाट थप ३ लाख १७ हजार ५ सय ३२ जना संक्रमित भएका छन् ।

बुधबार परीक्षण गरिएका १६.४१ प्रतिशतको रिपोर्ट पोजिटिभ आएको हो । बुधबार १९ लाख ३५ हजार १ सय ८० नमुना परीक्षण गरिएको थियो । मंगलबार २ लाख ८२ हजार ९ सय ७० जना संक्रमित भएका थिए ।

भाइरसको संक्रमणका कारण गत २४ घण्टामा थप ४ सय ९१ जनाको मृत्यु भएको छ । भारतमा हालसम्म कोभिडका कारण ज्यान गुमाउनेको संख्या ४ लाख ८७ हजार २ सय २ पुगेको मन्त्रालयले जनाएको छ ।

त्यस्तै भारतमा सक्रिय संक्रमितको संख्या १९ लाख २४ हजार ५१ रहेको छ । भारतमा पछिल्लो समय ओमिक्रोन भेरिएन्टको संक्रमण पनि तीव्र बन्दै गएको छ । हालसम्म ९ हजार २ सय ८७ जना ओमिक्रोनबाट संक्रमित भएको मन्त्रालयले जानकारी दिएको छ ।

भारतले अहिलेसम्म १ अर्ब ५९ करोडभन्दा बढी डोज खोप लगाइसकेको छ ।

प्रकाशित : माघ ६, २०७८ १०:०७
पूरा पढ्नुहोस्
प्रतिक्रिया
पठाउनुहोस्
×