गुणको विमान ‘डोर अनलक’ विषयमा छानबिन कार्यदल गठन- समाचार - कान्तिपुर समाचार

गुणको विमान ‘डोर अनलक’ विषयमा छानबिन कार्यदल गठन

कान्तिपुर संवाददाता

काठमाडौँ — काठमाडौंबाट पोखरा उडेको गुण एयरलाइन्सको जहाजको ‘डोर अनलक’ भएको घटना छानबिन गर्न संस्कृति‚ पर्यटन तथा नागरिक उड्डयन मन्त्रालयले छानबिन कार्यदल गठन गरेको छ । 

मंगलबार प्रेस विज्ञप्ति जारी गरी मन्त्रालयले जहाजमा भएको प्राविधिक गडबडका विषयमा छानबिन गर्न वरिष्ठ उडान सुरक्षा निरीक्षक क्याप्टेन दधिराम निरौलाको संयोजकत्वमा छानबिन कार्यदल गठन गरेको जनाएको हो ।

छानबिन कार्यदलको संयोजकमा क्या. निरौला‚ सदस्यमा इलेक्ट्रोनिकल इन्जिनियर नसीव आचार्य‚ क्याबिन क्रु निरीक्षक सावित्री श्रेष्ठ राई र एरोनोटिकल इन्जिनियर रितेशराज पन्त रहेका छन् ।

सम्बन्धित समाचार
आकाशमै ‘डोर अनलक’ भएपछि पोखरा उडेको गुणको विमान काठमाडौं फिर्ता

आइतबार काठमाडौंबाट पोखरा उडेको गुण एयरलाइन्सको जहाजको ‘डोर अनलक’ भएपछि काठमाडौं नै फर्काएर सुरक्षित अवतरण गराइएको थियो । अमेरिकन विचक्राफ्टको उक्त जहाजमा १५ यात्रुसहित चालकदलका ३ सदस्य सवार थिए ।


प्रकाशित : माघ ४, २०७८ १६:३५
प्रतिक्रिया
पठाउनुहोस्

नेपालमा एकैदिन १० हजार २५८ जनामा संक्रमण पुष्टि

कान्तिपुर संवाददाता

काठमाडौँ — पछिल्लो २४ घण्टामा नेपालमा १० हजार २५८  जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयद्वारा जारी तथ्यांकअनुसार १७ हजार ८७२ जनामा पीसीआर परीक्षण ८ हजार ७३० र ४ हजार ९५६ जनामा एन्टिजेन परीक्षण गर्दा १० हजार २५८ जनामा संक्रमण देखिएको हो ।

२४ घण्टामा ५६२ जना निको भएका छन् । योसँगै निको हुनेको कुल संख्या ८ लाख १७ हजार ५४७ पुगेको छ ।

त्यस्तै २४ घण्टायता १ संक्रमितको मृत्यु भएको छ । हाल सक्रिय संक्रमितको संख्या ३९ हजार ४४ रहेको स्वास्थ्य मन्त्रालयले जनाएको छ । २४ घण्टामा २ लाख १३ हजार १४८ जनाले खोप लगाएका छन् ।



प्रकाशित : माघ ४, २०७८ १६:२०
पूरा पढ्नुहोस्
प्रतिक्रिया
पठाउनुहोस्
x
×