पर्यटनमन्त्रीको सचिवालयका थप दुईमा कोरोना संक्रमण- समाचार - कान्तिपुर समाचार

पर्यटनमन्त्रीको सचिवालयका थप दुईमा कोरोना संक्रमण

रासस

काठमाडौँ — संस्कृति, पर्यटन तथा नागरिक उड्डयनमन्त्री प्रेमबहादुर आलेको निजी सचिवालयमा कार्यरत थप दुई जनामा कोरोना संक्रमण पुष्टि भएको छ । मन्त्री आलेका प्रेस संयोजक विमलबहादुर विष्ट तथा प्रशासन सहायक भक्तबहादुर आलेलाई कोरोना संक्रमण पुष्टि भएको सचिवालयले जनाएको छ ।

सोमबार गरिएको कोरोना परीक्षणमा उनीहरु दुवै जनालाई कोरोना संक्रमण पुष्टि भएको सचिवालयले जनाएको छ । मन्त्री आलेसहित उनका स्वकीयसचिव हेमन्त रेग्मीलाई सोमबार नै कोरोना संक्रमण पुष्टि भएको थियो ।

पोजेटिभ देखिएकाहरूको अवस्था सामान्य रहेको र मन्त्री आलेसहित सबै होमआइसोलेशनमा रहेका बताइएको छ ।

प्रकाशित : माघ ४, २०७८ १०:०५
प्रतिक्रिया
पठाउनुहोस्

बलात्कारको आरोपमा एक जना पक्राउ

कमल पन्थी

बर्दिया — १५ वर्षीया किशोरीलाई बलात्कार गरेको आरोपमा प्रहरीले एक जनालाई पक्राउ गरेको छ । गुलरिया नगरपालिकाका ३० वर्षीय जनकबहादुर शाहीले ललाइफकाई ती किशोरीलाई बलात्कार गरेको प्रहरीले जनाएको छ ।

जिल्ला प्रहरी कार्यालय बर्दियाका सूचना अधिकारी डीएसपी हेमबहादुर शाहीका अनुसार शाहीले आफ्नै कोठामा बलात्कार गरेको स्वीकार गरेका छन् । उनलाई आवश्यक कारबाहीका लागि अदालतबाट सात दिनको म्याद थप गरी बलात्कारको अभियोगमा मुद्दा दायर गरेको छ ।

प्रकाशित : माघ ४, २०७८ १०:०२
पूरा पढ्नुहोस्
प्रतिक्रिया
पठाउनुहोस्
×