कोरोनाको कारण देखाउँदै प्रतिनिधिसभा बैठक स्थगित- समाचार - कान्तिपुर समाचार

कोरोनाको कारण देखाउँदै प्रतिनिधिसभा बैठक स्थगित

कान्तिपुर संवाददाता

काठमाडौँ — संघीय संसद्, प्रतिनिधिसभाको सोमबारका लागि बोलाइएको बैठक कोरोना संक्रमणका कारण बस्न नसक्ने भन्दै सूचना टाँसेर स्थगित गरिएको छ ।

संसद्का महासचिव भरतराज गौतमले आइतबार एक सूचना जारी गर्दै सोमबार दिउँसो १ बजेका लागि आह्वान गरिएको बैठक स्थगित गरिएको जानकारी दिएका हुन् ।

कोरोना संक्रमण बढ्दै गएका कारण प्रतिनिधिसभा बैठक स्थगित गरिएको सूचनामा उल्लेख छ । 'माघ ३ गते सोमबार दिनको १ बजे बस्ने गरी निर्धारण भएको प्रतिनिधिसभा बैठक कोभिड-१९ को बढ्दो संक्रमणका कारण उक्त दिन र समयमा बस्न नसक्ने भएकोले' स्थगित गरिएको सूचनामा उल्लेख छ ।

सभामुख अग्निप्रसाद सापकोटाले अर्को बैठक माघ १६ गते आइतबार दिनको १ बजेका लागि निर्धारण गरेको पनि सूचनामा उल्लेख छ ।

प्रतिनिधिसभा बैठक यसअघि पनि पटक-पटक स्थगित हुँदैआएको छ । प्रमुख प्रतिपक्षी दल नेकपा एमालेले जारी राखेको अवरोधका कारण पछिल्लो समय संसद्ले काम गर्न सकिरहेको छैन । राष्ट्रिय सभाको बैठक पनि पटक-पटक सूचना टाँसेर स्थगित गरिँदै आएको छ । सोमबारका लागि आह्वान गरिएको राष्ट्रिय सभाको बैठक पनि अर्को सूचना जारी नभएसम्मका लागि स्थगित गरिएको सूचना आइतबार मात्रै जारी गरिएको थियो ।

प्रकाशित : माघ २, २०७८ १५:१३
प्रतिक्रिया
पठाउनुहोस्

 सिभिल बैंकको खाता खल्तीमा लिङ्क गर्दा १ सय बोनस र स्मार्टफोन उपहार पाइने 

कान्तिपुर संवाददाता

काठमाडौँ — अनलाइन भुक्तानी सेवा प्रदायक कम्पनी खल्तीमा सिभिल बैंकको खाता लिङ्क गर्ने प्रयोगकर्ताले १ सय रुपैयाँ बोनस पाउने भएका छन् । साथै, हरेक महिना  एक जना भाग्यशाली प्रयोगकर्ताले सामसङ स्मार्टफोन जित्ने मौका पाउने छन् । 

यो बोनस अफर पहिलो पटक सिभिल बैंक अकाउन्ट खल्तीसँग लिंक गर्ने प्रयोगकर्ताहरुको हकमा मात्र लागू हुने छ । प्रयोगकर्ताले लिंक गर्न अगाडि केवाईसी भेरिफाइ गराउन पर्नेछ । केही सेकेण्डमै आफ्नो बैंक खाता लिंक गरी उक्त खाताबाट खल्तीमा बिना लोड भुक्तानी गर्न सकिने खल्तीले जनाएको छ ।

यो अफर प्रयोगकर्ताहरूलाई डिजिटल भुक्तानी प्रयोग गर्न प्रोत्साहित गर्न र वालेटमा नियमित रूपमा पैसा लोड गर्न लाग्ने समय लाई कम गर्न ल्याइएको कम्पनीको दावी छ । एक पटक प्रयोगकर्ताले बैंकलाई लिङ्क गरेपछि, यो सेवाले उनीहरूलाई वालेट लोड नगरी केही ट्यापहरूमा पानी, इन्टरनेट, बिजुली, सरकारी राजस्व र अन्य उपलब्ध सेवाको बिल भुक्तानी गर्न सहज बनाउँछ । १ सय रुपैयाँको बोनस अफर पुस ३० देखि फागुन १ सम्म लागू हुनेछ ।


प्रकाशित : माघ २, २०७८ १५:०५
पूरा पढ्नुहोस्
प्रतिक्रिया
पठाउनुहोस्
थप केही समाचारबाट
×