पशुपति धर्मशालाको निरीक्षणपछि मन्त्री आलेले भने– 'कतिपय काम अनुमतिबिना गरेको देखियो'- समाचार - कान्तिपुर समाचार
कान्तिपुर वेबसाईट
AdvertisementAdvertisement

पशुपति धर्मशालाको निरीक्षणपछि मन्त्री आलेले भने– 'कतिपय काम अनुमतिबिना गरेको देखियो'

कान्तिपुर संवाददाता

काठमाडौँ — संस्कृति, पर्यटन तथा नागरिक उड्डयनमन्त्री प्रेमबहादुर आलेले आइतबार पशुपति परिसरमा बनाइएको धर्मशाला निरीक्षण गरेका छन् ।निरीक्षणपछि मन्त्री आलेले बतास समूहले अनुमति नलिइकनै काम गरेको पाइएको बताएका हुन् ।

पशुपति क्षेत्र विकास कोषका पदाधिकारी र छानबिन समितिका सदस्यहरुसहित अनुगमनमा पुगेका मन्त्री आलेले धर्मशालाका कतिपय कोठाहरु निजीलाई दिइएको र कतिपय काम पशुपति क्षेत्र विकास कोषसँग अनुमति नलिइकनै गरिएको पाइएको बताए । उनले टेन्डर निकाल्ने बेला पनि पशुपति क्षेत्र विकास कोषको परिषद्को बैठकबाट यो अनुमोदन नगरेको पाइएको बताए ।

मन्त्री आलेले भने, ‘अनुगमन गरियो, कतिपय कोठाहरु प्राइभेटलाई दिइएको रहेछ । त्यो दिनै नमिल्ने कामहरु भएको रहेछ । कतिपय पशुपति क्षेत्रविकास कोष समितिसँग अनुमति लिएर गर्नुपर्ने कामहरु पनि नगरिएको देखियो । सबैभन्दा पहिलो त यो टेन्डर निकाल्ने बेला पनि पशुपति क्षेत्रविकास कोषको परिषद्को बैठकबाट यो अनुमोदन हुनुपर्दो रहेछ । त्यो समेत नभएको, थुप्रै त्यस्ता कामहरु देखिएका छन् । भोलि हाम्रो प्रतिवेदन आउँछ, त्यसपछि त्यही आधारमा हामी अघि बढ्छौं ।’

मन्त्री आलेले सोमबार छानबिन समितिले प्रतिवेदन बुझाउने र सोही प्रतिवेदनको आधारमा कुरा अघि बढ्ने बताए ।

प्रकाशित : माघ २, २०७८ १३:५१
प्रतिक्रिया
पठाउनुहोस्

जोकोभिचले अस्ट्रेलियन ओपन टेनिस खेल्न नपाउने

कान्तिपुर संवाददाता

काठमाडौँ — टेनिस स्टार नोभाक जोकोभिचले अस्ट्रेलियन ओपन टेनिस प्रतियोगिता खेल्न नपाउने भएका छन् ।

तस्बिर: रोयटर्स।


जोकोभिचले आफूलाई अस्ट्रेलियन ओपन टेनिस खेल्न पाऊँ भन्दै गरेको अपिललाई अस्ट्रेलियाको संघीय अदालतले खारेज गरेपछि उनले अस्ट्रेलियन ओपन टेनिस प्रतियोगितामा भाग लिन नपाउने भएका हुन् ।

अदालतका तीन जना न्यायाधीशले ३४ वर्षीय जोकोभिचको अपिल खारेज गरेको बीबीसीले जनाएको छ ।

कोरोना भाइरसविरुद्धको भ्याक्सिन नलगाएको भन्दै अस्ट्रेलियाले जोकोभिचको भिसा रद्द गर्दै आएको थियो ।

सम्बन्धित समाचार:
अस्ट्रेलियाद्वारा दोस्रो पटक जोकोभिचको भिसा रद्द

प्रकाशित : माघ २, २०७८ १३:५०
पूरा पढ्नुहोस्
प्रतिक्रिया
पठाउनुहोस्
×