राष्ट्रिय जनमोर्चाको प्रदेश सम्मेलन फागुनमा- समाचार - कान्तिपुर समाचार

राष्ट्रिय जनमोर्चाको प्रदेश सम्मेलन फागुनमा

रासस

काठमाडौँ — राष्ट्रिय जनमोर्चाले आगामी फागुन ६ र ७ गते प्रदेश सम्मेलन गर्ने भएको छ । 

फाइल तस्बिर


यसअघि पार्टीको प्रदेश सम्मेलन आउँदो माघको १५ र १६ गतेका लागि तोकिएको थियो । पछिल्लो समय कोभिड-१९ को नयाँ भेरिएन्ट ओमिक्रोनको बढ्दो जोखिम र कतिपय आवश्यक तयारी पूरा हुन नसकेका कारण सातवटै प्रदेश सम्मेलन केही सातापछि सारेको अध्यक्ष चित्रबहादुर केसीले जानकारी दिए ।

देशव्यापीरूपमा सङ्गठन सुदृढीकरण अभियान थालेको पार्टीले मातहतका प्रदेश, जिल्ला, स्थानीय कमिटीलाई स्वास्थ्य मापदण्ड अपनाएर मात्र राजनीतिक कार्यक्रम सञ्चालन गर्न आग्रह गरेको छ ।

जनताको प्रत्यक्ष सरोकार राख्ने समस्या समाधानमा जनवर्गीय सङ्गठनलाई निर्देशन गरेको पार्टीले भीड हुने सभा-सम्मेलनलाई समेत स्थगन गरेको छ । राष्ट्रिय जनमोर्चाले संघीयताको विरोध गर्दै आइरहेको छ ।

प्रकाशित : पुस २९, २०७८ १६:०८
प्रतिक्रिया
पठाउनुहोस्

नाटक ‘लाटीको छोरा’ मञ्चन हुँदै

कान्तिपुर संवाददाता

काठमाडौँ — काठमाडौंको सिनामंगलस्थित‘पुरानो घर’थिएटरमा नाटक ‘लाटीको छोरा’मञ्चन हुने भएको छ । बिहीबार नाटकको विशेष मञ्चन भएर पुस ३० देखि माघ ९ गतेसम्म नियमित मञ्चन हुने थिएटरका संस्थापक तथा रंगकर्मी सिर्जना अधिकारीले बताइन् ।

श्याम शाहको कथामा आधारित भएर बनाइएको नाटकको लेखन तथा निर्देशन रंगकर्मी सूलक्षण भारतीले गरेका छन् । अधिकारीकाअनुसार ‘लाटीको छोरा’समाजमा टाठाबाठा र व्यवस्थाको मारमा शोषित हुन बाध्य भएका भुइँमान्छेको कथा हो ।

‘नाटकले सम्पूर्ण राज्य र त्यसको व्यवस्थाको झलकदिएको छ’, अधिकारीले भनिन् । उनकाअनुसार नाटकमा मुख्य भूमिकामा कलाकार सरिता भुजेलले अभिनय गरेकी छन् । गत असोजदेखि सञ्चालनमा आएको थिएटरले यसअघि भारतीकै लेखन, निर्देशन तथा अभिनयमा नाटक ‘म’ मञ्चन गरेको थियो ।


प्रकाशित : पुस २९, २०७८ १६:०४
पूरा पढ्नुहोस्
प्रतिक्रिया
पठाउनुहोस्
×