प्रधानसेनापति शर्मा स्वदेश फिर्ता - समाचार - कान्तिपुर समाचार
कान्तिपुर वेबसाईट
AdvertisementAdvertisement

प्रधानसेनापति शर्मा स्वदेश फिर्ता 

कान्तिपुर संवाददाता

काठमाडौँ — प्रधानसेनापति प्रभुराम शर्मा भारतको नयाँ दिल्लीमा स्वास्थ्य परीक्षण गरेर मंगलबार स्वदेश फर्केका छन् । शर्मा पुस १८ देखि ३० गतेसम्म बिदा लिएर उपचारका लागि अघिल्लो साता आइतबार भारत गएका थिए ।

नेपाली सेनाका अनुसार शर्माले मंगलबारदेखि नै आफ्नो जिम्मेवारी सम्हालिसकेका छन् ।


प्रकाशित : पुस २७, २०७८ २०:५४
प्रतिक्रिया
पठाउनुहोस्

ललितपुरमा विद्यार्थीहरूलाई फाइजर खोप

कान्तिपुर संवाददाता

ललितपुर — ललितपुर महानगरपालिकाले १२ देखि १७ वर्ष उमेर समूहका विद्यार्थीलाई मंगलबारदेखि कोरोना विरुद्धको फाइजर खोप लगाउन सुरू गरेको छ । महानगरभित्रका निजी र सामुदायिक विद्यालयमा अध्ययन गर्ने करिब ४४ हजार विद्यार्थीलाई समेट्ने गरी मंगलबारदेखि खोप अभियान सुरु भएको हो ।

फाइल तस्बिर : रोयटर्स

खोप कार्यक्रम माघ २ गतेसम्म सञ्चालन हुने बताइएको छ । मंगलबार वडा नं. १ देखि ४ सम्मका विद्यालयहरूमा खोप लगाइएको छ । बुधबार ५ देखि ८ नम्बर वडाका विद्यालयहरूमा खोप कार्यक्रम रहेको छ ।

यस्तै, वडा नं. ९ देखि १४ र १५ वडाका केही विद्यालयमा बिहीबार खोप लगाइने महानगरपालिकाका प्रमुख प्रशासकीय अधिकृत गणेश अर्यालले जानकारी दिए ।

शुक्रबार वडा नं १५ का बाँकी विद्यालय र वडा नं १६ देखि २१ सम्मका विद्यालयमा साथै माघ २ गते आइतबार वडा नं २२ देखि २९ सम्मका विद्यालयमा कोरोना विरुद्धको फाइजर खोप लगाउने व्यवस्था मिलाएको महानगरले जनाएको छ । उपप्रमुख गीता सत्यालका अनुसार खोप कार्यक्रमले करिब ४४ हजार विद्यार्थीलाई समेट्नेछ ।

प्रकाशित : पुस २७, २०७८ २०:५३
पूरा पढ्नुहोस्
प्रतिक्रिया
पठाउनुहोस्
×