सार्वजनिक स्थलमा २५ जनाभन्दा बढीको भेला रोक्ने गृह मन्त्रालयको निर्णय- समाचार - कान्तिपुर समाचार
कान्तिपुर वेबसाईट
AdvertisementAdvertisement

सार्वजनिक स्थलमा २५ जनाभन्दा बढीको भेला रोक्ने गृह मन्त्रालयको निर्णय

कान्तिपुर संवाददाता

काठमाडौँ — कोरोना संक्रमण तीव्र रूपमा फैलिइरहेको अवस्थालाई मध्यनजर गर्दै गृह मन्त्रालयले सार्वजनिक स्थलमा २५ जनाभन्दा बढी भेला हुनबाट रोक्ने निर्णय गरेको छ । 

सोमबार मन्त्रीस्तरीय निर्णय गर्दै सार्वजनिक स्थलमा भीड हुने कार्यक्रम गर्नमा गृह मन्त्रालयले रोक लगाएको हो । 'सार्वजनिक स्थलमा सबै प्रकारका राजनीतिक तथा धेरै जना उपस्थित हुने गरी प्रशासनिक, सामाजिक एवं त्यही प्रकृतिको कार्यक्रम नगर्न आह्वान गर्ने । अत्यावश्यक नियमित कार्यक्रमको हकमा स्थानीय प्रशासनको अनुमति लिएर गर्ने व्यवस्था मिलाउने । अर्को सूचना नभएसम्म सार्वजनिक स्थलहरूमा २५ जनाभन्दा बढी भेला हुने गरी मेला, भेला तथा महोत्सवहरू आयोजना नगर्न, नगराउन आवश्यक व्यवस्था गर्ने,' गृह मन्त्रालयको निर्णयमा भनिएको छ,'जिल्लाले आफ्ना जिल्ला र स्थानीय तहको अवस्थाको विश्लेषण गरी परिस्थितिजन्य लचकता वा कडाइ गर्नसमेत सक्ने ।'

गृह मन्त्रालयले मातहतका सुरक्षा निकाय र प्रशासन कार्यालयलाई उक्त निर्णय कार्यान्वयन गर्नका लागि निर्देशन पनि दिएको छ । कोभिड- १९ संकट व्यवस्थापन समन्वय केन्द्र (सीसीएमसीसी)ले आइतबार उक्त निर्णय गरी कार्यान्वयनमा लैजान गृह मन्त्रालयलाई सिफारिस गरेको थियो ।

त्यस्तै, सार्वजनिक स्थानहरू कार्यालय, होटल, रेस्टुरेन्ट, सिनेमा हल, रंगशाला, हवाईयात्रा, पार्क आदिमा प्रवेश गर्दा अनिवार्य कोरोना विरुद्धको खोप लगाएको कार्ड वा कार्डको फोटोको आधारमा मात्रै प्रवेशको व्यवस्था गर्न पनि सुरक्षा निकाय र तथा प्रशासनलाई गृह मन्त्रालयले निर्देशन दिएको छ ।

माघ ७ गतेदेखि सार्वजनिक सेवा प्राप्त गर्नका लागि खोप कार्ड अनिवार्य गर्न पनि निर्देशन गृह मन्त्रालयले दिएको छ ।

प्रकाशित : पुस २६, २०७८ १७:११
प्रतिक्रिया
पठाउनुहोस्

पुलिस र ब्रिगेड ब्वाइजको बराबरी

कान्तिपुर संवाददाता

काठमाडौँ — सहिद स्मारक लिग 'ए' डिभिजन ०७८ मा पुलिसले सोमबार दशरथ रंगशालामा भएको खेलमा ब्रिगेड ब्वाइजसँग १–१ को बराबरी खेलेको छ । यस खेलसँगै लिगमा आठौं चरणका खेल समाप्त भएका छन् ।

खेलको दुवै गोल सुरुवाति चौथो मिनेटमा दुवै गोल भएका थिए । ब्रिगेड ब्वाइजले दोस्रो मिनेटमा रोसन राना मगरको गोलले अग्रता लिएको थियो । त्यसका दुई मिनेटम बुद्ध तामाङले पुसिलका लागि गोल फर्काए ।

यो नतिजापछि पुलिस आठ खेलबाट सात अंक जोडेर ११ औं स्थानमा छ । ब्रिगेड ब्वाइज भने आठ खेलबाट छ अंकमा १२ औं स्थानमा छ । रेलिगेसन क्षेत्रबाट टाढिन प्रयारसत यी दुवै टिमका लागि बराबरीले फाइदा गर्ने छैन् ।

आठौं चरणको समाप्तीमा डिफेन्डिङ च्याम्पियन मछिन्द्र २० अंकमा शीर्ष स्थानमा छ । यस्तै मनाङ मर्स्याङ्दी १९ अंकमा दोस्रो स्थानमा छ । च्यासल र फ्रेन्ड्स भने रेलिगेसन क्षेत्रमा रहेका छन् ।

प्रकाशित : पुस २६, २०७८ १६:५८
पूरा पढ्नुहोस्
प्रतिक्रिया
पठाउनुहोस्
×