एमाले रुपन्देहीको अध्यक्षमा तेजेन्द्र केसी- समाचार - कान्तिपुर समाचार

एमाले रुपन्देहीको अध्यक्षमा तेजेन्द्र केसी

माधव ढुंगाना

भैरहवा — नेकपा (एमाले)को नवौं जिल्ला अधिवेशनबाट रुपन्देहीको अध्यक्षमा तेजेन्द्र केसी निर्विरोध निर्वाचित भएका छन् ।

निवर्तमान उपाध्यक्ष पुरुषोत्तम घिमिरेले अध्यक्ष पदमा दिएको उम्मेदवारी फिर्ता लिएपछि केसीलाई निर्विरोध हुन बाटो खुलेको थियो । अध्यक्षमा सहमति जुटेपछि एमाले रुपन्देहीका सबै पदमा निर्विरोध कार्यसमिति चयन भएको छ ।

उपाध्यक्षमा जागेश्वरदेवी चौधरी निर्विरोध भएकी छन् । उनी यसअघि पार्टीको जिल्ला सचिव भएर काम गरेकी थिइन् । सचिव पदमा यज्ञ गैरे निर्वाचित भएका छन् । सचिवमा खेम लुइटेलको उम्मेदवारी फिर्ता लिए । गैरे यसअघि जिल्ला सदस्य थिए ।

उपसचिवमा चित्रबहादुर कार्की र हितराज पन्थी निर्विरोध चयन भएका छन् । कार्की सैनामैना नगरपालिकाका मेयर हुन् । पन्थी यसअघि जिल्ला सचिवालय सदस्य थिए ।

निर्वाचन समितिका अनुसार, सदस्य पदमा पनि सर्वसम्मत भएको छ । निर्वाचित अध्यक्ष केसीले २०४२ सालदेखि अनेरास्ववियूबाट विद्यार्थी राजनीति सुरु गरेका हुन् । केसीले दुई दशक एमाले जिल्ला कमिटीमा काम गरिसकेका छन् ।

प्रकाशित : पुस २५, २०७८ १५:२६
प्रतिक्रिया
पठाउनुहोस्

एमाले मकवानपुरको अध्यक्षमा एकालाल

कान्तिपुर संवाददाता

हेटौंडा — नेकपा (एमाले) मकवानपुरको अध्यक्षमा एकालाल श्रेष्ठ सर्वसम्मत रुपमा चयन भएका छन् । शुक्रबारदेखि सुरु भएको एमाले जिल्ला कमिटीको ११औं जिल्ला अधिवेशनबाट अध्यक्षमा श्रेष्ठसहित १०५ सदस्यीय जिल्ला कमिटी चयन गरिएको हो । 

अधिवेशनबाट जिल्ला उपाध्यक्षमा लालबहादुर थापा, सचिवमा नविन सिग्देल, उपसचिवमा हिदम लामा र सिता विष्ट सर्वसम्मत रुपमा चयन भएका हुन् ।

आइतबार बिहान हेटौंडा-५ स्थित पार्टी कार्यालयबाट सर्वसम्मत नयाँ नेतृत्व चयन भएको अध्यक्षमण्डलका अध्यक्ष रामेश्वर रानाले जानकारी दिए ।

शुक्रबार उद्घाटन गरिएको एमाले मकवानपुरको ११औं अधिवेशनअन्तर्गत शनिबार बिहान हेटौंडा-४ स्थित एक होटलमा निर्वाचनको प्रक्रिया सञ्चालन गर्ने तयारी गरिएको थियो ।

सहमतिका लागि भन्दै लामो समय निर्वाचन प्रक्रिया नै अवरुद्ध गर्दै आइतबार बिहानसम्मका लागि भन्दै निर्वाचनको प्रक्रियासमेत स्थगित गरिएको जानकारी गरिएको थियो ।

प्रकाशित : पुस २५, २०७८ १५:१७
पूरा पढ्नुहोस्
प्रतिक्रिया
पठाउनुहोस्
×