एमाले मकवानपुरको अध्यक्षमा एकालाल- समाचार - कान्तिपुर समाचार

एमाले मकवानपुरको अध्यक्षमा एकालाल

कान्तिपुर संवाददाता

हेटौंडा — नेकपा (एमाले) मकवानपुरको अध्यक्षमा एकालाल श्रेष्ठ सर्वसम्मत रुपमा चयन भएका छन् । शुक्रबारदेखि सुरु भएको एमाले जिल्ला कमिटीको ११औं जिल्ला अधिवेशनबाट अध्यक्षमा श्रेष्ठसहित १०५ सदस्यीय जिल्ला कमिटी चयन गरिएको हो । 

अधिवेशनबाट जिल्ला उपाध्यक्षमा लालबहादुर थापा, सचिवमा नविन सिग्देल, उपसचिवमा हिदम लामा र सिता विष्ट सर्वसम्मत रुपमा चयन भएका हुन् ।

आइतबार बिहान हेटौंडा-५ स्थित पार्टी कार्यालयबाट सर्वसम्मत नयाँ नेतृत्व चयन भएको अध्यक्षमण्डलका अध्यक्ष रामेश्वर रानाले जानकारी दिए ।

शुक्रबार उद्घाटन गरिएको एमाले मकवानपुरको ११औं अधिवेशनअन्तर्गत शनिबार बिहान हेटौंडा-४ स्थित एक होटलमा निर्वाचनको प्रक्रिया सञ्चालन गर्ने तयारी गरिएको थियो ।

सहमतिका लागि भन्दै लामो समय निर्वाचन प्रक्रिया नै अवरुद्ध गर्दै आइतबार बिहानसम्मका लागि भन्दै निर्वाचनको प्रक्रियासमेत स्थगित गरिएको जानकारी गरिएको थियो ।

प्रकाशित : पुस २५, २०७८ १५:१७
प्रतिक्रिया
पठाउनुहोस्

एमाले खोटाङको अध्यक्षमा दंगाल

कान्तिपुर संवाददाता

खोटाङ — नेकपा एमाले खोटाङको अध्यक्षमा रामप्रसाद दंगाल चयन भएका छन् । जिल्लाको माटीकोरे कभर्ड हलमा पुस २३ र २४ गते सम्पन्न सातौं जिल्ला अधिवेशनले दंगाललाई अध्यक्ष बनाएको हो ।


उपाध्यक्षमा देवविक्रम राई, सचिवमा कुमार आचार्य, सहसचिवमा दीपनारायण रिजाल र सुरेन्द्रकुमार राई छनोट भएका छन् । यससँगै अधिवेशनबाट एक सय १९ सदस्यीय जिल्ला कमिटी गठन भएको हो ।

अधिवेशनले ७७ सदस्यीय सल्लाहकार समितिसमेत निर्माण गरेको छ । एमाले अध्यक्ष केपी ओलीले गत शुक्रबार मुलुकभर एकैसाथ जिल्ला अधिवेशन उद्घाटन गरेका थिए ।

प्रकाशित : पुस २५, २०७८ १५:१४
पूरा पढ्नुहोस्
प्रतिक्रिया
पठाउनुहोस्
×