माओवादी महाधिवेशन सकियो, दाहालद्वारा प्रस्तावित केन्द्रीय सदस्यहरुको सूची पारित
काठमाडौँ — माओवादी केन्द्रका अध्यक्ष पुष्पकमल दाहालले आठौं महाधिवेशनअन्तर्गत बन्दसत्रमा प्रस्ताव गरेको केन्द्रीय सदस्यहरुको नामावली पारित भएको छ ।
निर्वाचन कार्यक्रम पटक-पटक सार्दै दाहालले तयार पारेको प्रस्ताव आइतबार बेलुकी बन्दसत्रबाट पारित भएको हो । केन्द्रीय सदस्यहरुको महाधिवेशन हलबाट पारितसँगै माओवादीको महाधिवेशन सकिएको छ ।
हलमा अध्यक्ष मण्डलको तर्फबाट कृष्णबहादुर महराले बन्दसत्र सकिएको र सबैलाई धन्यवाद दिएका छन् । उनका अनुसार नवनिर्वाचित घोषित केन्द्रीय समितिको सोमबार बैठक बस्ने छ । उक्त बैठकले पदाधिकारी चयनको विषय टुंग्याउने उनले जानकारी दिए । माओवादी केन्द्रीय कमिटी २९९ सदस्यीय रहेको छ । हलबाट दाहालले ८० बाँकी अन्य केन्द्रीय सदस्यहरुको नाम घोषणा गरेका थिए ।
प्रकाशित : पुस १८, २०७८ १८:४३