१७.१२°C काठमाडौं
काठमाडौंमा वायुको गुणस्तर: १५७

संविधान पक्षधर शक्तिहरूको मेलमिलाप आवश्यक छ : थापा

काठमाडौँ — कांग्रेस महामन्त्री गगन थापाले संविधानको सफल कार्यान्वयनका लागि पक्षधर शक्तिहरूको मेलमिलाप आवश्यक रहेको बताएका छन् । राष्ट्रिय मेलमिलाप दिवसको सन्दर्भमा बीपी कोइरालाले अंगिकार गरेको राष्ट्रिय मेलमिलाप नीतिलाई स्मरण गर्दै महामन्त्री थापाले संविधानको सफल कार्यान्वयन र लोकतन्त्रको संस्थागत विकासका लागि संविधानका पक्षधर राजनीतिक शक्ति बीचको सहकार्य र मेलमिलाप आवश्यक रहेको बताएका हुन् ।

संविधान पक्षधर शक्तिहरूको मेलमिलाप आवश्यक छ : थापा

सुदृढ र एकतावद्ध कांग्रेसले मात्रै त्यो आवश्यकता अनुरुपको जिम्मेवारी पूरा गर्नसक्ने उनले बताएका छन् ।

‘हामीले बनाएको संविधानको सफल कार्यान्वयन र लोकतन्त्रको संस्थागत विकासका लागि संविधानका पक्षधर राजनीतिक शक्ति बीचको सहकार्य र मेलमिलाप आजको आवश्यकता हो,’ महामन्त्री थापाले भनेका छन्, ‘सुदृढ र एकतावद्ध कांग्रेसले मात्र त्यो आवश्यकता अनुरुपको जिम्मेवारी पूरा गर्न सक्छ ।'

महामन्त्री थापाले महाधिवेशनका क्रममा दुखेका मनहरूलाई टाल्दै अघि बढ्ने बताएका छन् । 'नेपाली कांग्रेसको भर्खरै सम्पन्न महाधिवेशनका क्रममा दुखेका मनहरूलाई टाल्दै पार्टीभित्र एकतावद्ध रुपमा नयाँ उर्जाका साथ त्यो कार्यभार पूरा गर्नुपर्नेछ,’ उनले भनेका छन् ।

प्रकाशित : पुस १६, २०७८ १६:१३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?