८ हजार ६० पीसीआर परीक्षणमा २३७ मा कोरोना संक्रमण पुष्टि, ३४९ जना संक्रमणमुक्त

यस्तै ३ हजार ८३८ जनाको एन्टिजेन परीक्षण गर्दा २३ जनामा संक्रमण देखिएको छ । पीसीआर र एन्टिजेन विधिबाट गरिएको ११ हजार ८९८ परीक्षणबाट २६० जनामा कोभिड संक्रमण पुष्टि भएको मन्त्रालयले जनाएको छ ।

पीसीआर परीक्षणमा हालसम्म ८ लाख २६ हजार ९०१ जना संक्रमित भएका छन् ।

२४ घण्टामा ३४९ जना संक्रमणमुक्त भएका छन् । यो सँगै निको हुनेको संख्या ८ लाख १० हजार २७१ जना डिस्चार्ज भएका छन् ।

२४ घण्टाको अवधिमा कोभिडबाट १ जनाको ज्यान गएको छ । कोरोनाबाट हालसम्म ११ हजार ५८२ पुगेको छ । सक्रिय संक्रमित संख्या ५ हजार ४८ जना छन् । २४ घण्टामा ३ लाख २९ हजार ३७१ जनाले खोप लगाएका मन्त्रालयको तथ्यांकमा उल्लेख छ ।