नेपालमा २४ घण्टामा २५२ मा कोरोना पुष्टि, २३२ निको, ३ जनाको मृत्यु

पीसीआर र एन्टिजेन विधिद्वारा गरिएको १७ हजार ०८९ परीक्षणमा २९० जनामा संक्रमण पुष्टि भएको छ । योसँगै नेपालमा पीसीआर विधिबाट गरिएको परीक्षणअनुसार कोरोना संक्रमितको संख्या ८ लाख २६ हजार २०६ पुगेको छ ।

२४ घण्टामा २३२ जना संक्रमणमुक्त भएका छन् । नेपाल कोरोना निको हुने दर ९८ प्रतिशत रहेको मन्त्रालयको तथ्यांकमा उल्लेख छ ।

पछिल्लो २४ घण्टामा ३ जनाको मृत्यु भएको छ । नेपालमा कोरोना संक्रमणबाट मृत्यु हुनेको संख्या ११ हजार ५७७ पुगेको छ ।

२४ घण्टाको अवधिमा २ लाख ४७ हजार ८१४ जनाले खोप लगाएका छन् । सक्रिय संक्रमितको संख्या ५ हजार २४२ रहेको छ ।