‘लैंगिक हिंसाका मुद्दा सम्बोधनमा संचारमाध्यामको भूमिका महत्वपूर्ण’- समाचार - कान्तिपुर समाचार
कान्तिपुर वेबसाईट
AdvertisementAdvertisement

‘लैंगिक हिंसाका मुद्दा सम्बोधनमा संचारमाध्यामको भूमिका महत्वपूर्ण’

कान्तिपुर संवाददाता

काठमाडौँ — लैंगिक हिंसाका मुद्दा सम्बोधनमा संचारमाध्यामको भूमिका महत्वपूर्ण हुने सरोकारवालाहरूले बताएका छन् ।  लैंगिक हिंसा विषयमा संचारमाध्याम संवेदनशील भएको उल्लेख गर्दै सरोकारवालाहरूले लैंगिक हिंसाबिरुद्ध बनेका कानुन, नीतिलाई व्यावहारिक रुपमा कार्यान्वयनमा जोड दिनुपर्ने बताए ।

‘लैंगिक हिंसाका मुद्दाहरू सम्बोधनमा मिडियाको भूमिका’विषयक अन्तर्क्रियमा उनीहरूले बिगतभन्दा फरक माध्यामबाट लैंगिक हिंसा भइरहेको बताए ।

पत्रकार बबिता बस्नेतले सामाजिक संजालको माध्यामबाट हुने लैंगिक हिंसा बढ्दै गएको उल्लेख गर्दै यसको नियन्त्रणका लागि साइबर ल आवश्यक भएको बताइन् । ‘सामाजिक संजालबाट हुने लैगिक हिंसाका लागि साइबर अपराध सम्बनधी कानुन आवश्यक देखिन्छ’ उनले भनिन्, ‘मिडियाको नाममा थप लैगिक हिंसालाई बढावा दिने काम भएको छ ।’

संचार तथा सूचना प्रविधि मन्त्रालयका सचिव बैकुण्ठ अर्यालले लैगिंक हिंसा न्युनीकरण सम्बन्धी कानुन, नीति समय अनुसार परिमार्जन गरी व्यावहारिक बनाउन मन्त्रालय प्रतिबद्ध भएको बताए । उनले संचार माध्याममा सकरात्मकविषयवस्तु सम्प्रेषण भएमा सकरात्मक भूमिका खेल्ने बताए । पत्रकार अखण्ड भण्डारीले संचार माध्यममा महिला पत्रकारको सहभागिता बढ्दै जानु सकरात्मक भएको उल्लेख गर्दै संचार माध्याम लैंगिक हिंसा न्यनीकरणका लागि झन् जिम्मेवार भएको बताए । प्रेस काउन्सिल नेपालका अध्यक्ष बालकृष्ण बस्नेतले लैंगिक हिंसा सम्बन्धी आउने उजुरी तत्काल छानबिन गरी टंगोमा पुगेको बताए । संचारिका समूहकी अध्यक्ष नितु पण्डितले लैगिक हिंसाका मुद्दा सम्बोधनमा संचार माध्यमका समाचार कक्षमा महिला सहभागिता बढाउनु पर्ने बताइन् ।

प्रकाशित : मंसिर १९, २०७८ १५:१९
प्रतिक्रिया
पठाउनुहोस्

सेयर बजारमा भारी गिरावट, ९ कम्पनीको मात्रै मूल्य बढ्यो 

कान्तिपुर संवाददाता

काठमाडौँ — साताको पहिलो दिन आइतबार पनि सेयर बजारमा भारी अंकको गिरावट आएको छ । बजारको परिसूचक नेप्से ७२.३० अंकले घटेको छ । सो गिरावटपछि परिसूचक २५१३ अंकमा झरेको छ । २: २४ बजे २५०५ अंकसम्म झरेको परिसूचक अन्त्यमा केही सम्हालिएको हो । आइतबार दिनभर ४ अर्ब रुपैयाँको कारोबार भएको छ । 

सबै उपसमूह राताम्मे भएका छन् । बैंकिङ ४०, ब्यापार ११८, होटल तथा पर्यटन ८२, विकास बैंक २०३, जलविद्युत ९६, फाइनान्स १०८, निर्जीवन बीमा २५१, उत्पादन १२४, अन्य ७१, माइक्रोफाइनान्स १३१ र जीवन बीमा ३७२ अंकले घटे ।

न्यादी हाइड्रोपावरको मूल्य भने १० प्रतिशतले बढेको छ । हालै सूचीकृत यो कम्पनीको मूल्य प्रतिकित्ता ४५४.४० रुपैयाँ पुगेको छ । योबाहेक अरु ८ कम्पनीको सेयर मूल्य पनि बढ्यो । नयाँ सारथी लघुवित्तको मूल्य ४ प्रतिशतले बढ्यो । मैलुङखोला, युनिलिभर, नारायणी डेभलपमेन्ट, अजोड इन्स्योरेन्स, सिद्धार्थ इन्स्योरेन्स, कर्पोरेट डेभलपमेन्ट र बोटलर्स नेपालको मूल्य सामान्य बढेको छ ।


प्रकाशित : मंसिर १९, २०७८ १५:१३
पूरा पढ्नुहोस्
प्रतिक्रिया
पठाउनुहोस्
×