संघीय संसद्को अधिवेशन आह्वान- समाचार - कान्तिपुर समाचार

संघीय संसद्को अधिवेशन आह्वान

कान्तिपुर संवाददाता

काठमाडौँ — राष्ट्रपति विद्यादेवी भण्डारीले संघीय संसद्का दुवै सदनको अभिवेशन आह्वान गरेकी छन् । सरकारको सिफारिसमा राष्ट्रपतिले बिहीबार संघीय संसद्को अधिवेशन आह्वान गरेकी हुन् । 

राष्ट्रपति कार्यालयका प्रवक्ता सागर आचार्यले मंसिर २८ गतेका लागि संघीय संसद्का दुवै सदनको अधिवेशन आह्वान गरेको जानकारी दिए ।

प्रवक्ता आचार्यले विज्ञप्तिमा भनेका छन्, 'राष्ट्रपति विद्यादेवी भण्डारीबाट नेपालको संविधानको धारा ९३ को उपधारा (१) बमोजिम नेपाल सरकार, मन्त्रिपरिषद्को मिति २०७८/८/१६ को सिफारिसमा सम्वत् २०७८ साल मंसिर २८ गते मंगलबारका दिन २ बजे अन्तर्राष्ट्रिय सम्मेलन केन्द्र, नयाँ बानेश्वरमा संघीय संसदको दुवै सदनको अधिवेशन आह्वान गर्नुभएको छ ।'

प्रकाशित : मंसिर १६, २०७८ १८:५८
प्रतिक्रिया
पठाउनुहोस्

शुक्रबारदेखि रुपन्देहीमा जिल्ला लिग

सन्जु पौडेल

तिलोत्तमा — रुपन्देही फुटबल संघको आयोजनामा शुक्रबारदेखि जिल्ला लिग सञ्चालन हुने भएको छ । २३ दिनसम्म सञ्चालन हुने प्रतियोगितामा १५ वटा क्लबले सहभागिता जनाउने संघले शुक्रबार पत्रकार सम्मेलन मार्फत जानकारी दिएको हो ।

बुटवलको देविनगरस्थित एन्फा ऐकेडेमीमा हुने प्रतियोगिता अन्तर्गत दिउँसो २ बजे हुने उद्घाटन खेलमा झरना स्पोर्टस् क्लब र सुनौलो संगम युवा क्लबबीच प्रतिस्पर्धा हुने खेल संयोजक मुकेश कुँवरले बताए । कुँवरले लिग आधारमा हुने प्रतियोगिता अन्तर्गत प्रत्येक टिमको ९ वटा गरी कूल ४५ वटा लिग चरणको खेल हुने बताए ।

प्रतियोगिताको विजेता टिमले नगद १ लाख रूपैयाँसहित पुरस्कार प्राप्त गर्ने छ भने उपविजेता टिमले ५० हजार प्राप्त गर्ने छ । प्रतियोगितामा तृतीय हुने क्लबले ३० हजार तथा सान्त्वनाले २० हजार नगद प्राप्त गर्ने लुम्बिनी प्रदेश फुटबल संघका महासचिव लोक पुनले जानकारी दिए । उनका अनुसार प्रतियोगितामा विधागत तर्फका ५ जनालाई नगद ५ हजारका दरले पुरस्कार प्रदान गरिने छ ।

प्रकाशित : मंसिर १६, २०७८ १८:५४
पूरा पढ्नुहोस्
प्रतिक्रिया
पठाउनुहोस्
×