राष्ट्रपति भण्डारी कपिलवस्तुमा- समाचार - कान्तिपुर समाचार

राष्ट्रपति भण्डारी कपिलवस्तुमा

मनोज पौडेल

कपिलवस्तु — राष्ट्रपति विद्यादेवी भण्डारीले बाणगंगा नगरपालिका-२, नन्दनगरस्थित कैलाश आश्रममा पूजाआजा गरेकी छन् । राष्ट्रकल्याण २७ औं ज्ञानमहायज्ञमा सहभागी हुन उनी कपिलवस्तु आएकी हुन् ।

उनले नेपालमै सबैभन्दा अग्लो बनाउन लागिएको कैलाश विश्वनाथ ज्योर्तिलिंगको शिला पूजा पनि गरिन् ।

१ सय २७ फिट अग्लो ज्योर्तिलिंगको करिब १० करोडको लागतमा बनाउन लागिएको छ । त्यस्तै, उनले आश्रममा निर्मित अष्टचिरिन्जीवी महाकुण्ड अनावरण गरिन् । उक्त अवसरमा आश्रममा २७ विद्यार्थी बटुकबाट स्वस्ति वाचन गरिएको थियो ।

हेलिकप्टरबाट आएकी राष्ट्रपति भण्डारी एक घण्टा पूजाआजा र मन्तव्य राखेर लुम्बिनी फर्केकी थिइन् ।

प्रकाशित : मंसिर १६, २०७८ १४:५९
प्रतिक्रिया
पठाउनुहोस्

देशभर कांग्रेसका ८ लाख ४० हजार १०६ सदस्य 

कान्तिपुर संवाददाता

काठमाडौँ — कांग्रेसले १४ औँ महाधिवेशनको संघारमा बल्ल आफ्ना क्रियाशील सदस्यको यकिन गरेको छ । वडा, पालिका, प्रदेशसभा क्षेत्र, प्रतिनिधिसभा क्षेत्र र जिल्ला हुदै सिफारिस भएर आएका सदस्यहरूको पूर्ण विवरण छानबिन गरी कांग्रेसले क्रियाशील सदस्यको संख्या यकिन गरेको हो ।

प्रवक्ता विश्वप्रकाश शर्माले १४ औं महाधिवेशनका लागि ७७ वटै जिल्लामा गरी ८ लाख ४० हजार १०६ जना सदस्यको संख्या यकिन भएको जानकारी दिए । यसअघि १३ औं महाधिवेशनमा क्रियाशील सदस्यको संख्या ४ लाख ७० हजारमात्रै थियो । कांग्रेसले त्यो संख्यालाई दोब्बर पुर्‍याउने लक्ष्यअनुरुप यसपटक सदस्यता वितरण गरेको थियो ।

जसमध्ये ४ लाख १० हजार ६८४ जना पुरानै सदस्य हुन् भने ४ लाख २९ हजार ४२२ जना नयाँ सदस्य थपिएका हुन् । कांग्रेसले ०७६ सालमै क्रियाशील सदस्यताको आवेदन खुलाएपनि त्यसको छानबिन गरी सदस्यताको टुंगो लगाउन दुई वर्ष लगाएको हो ।

तैपनि सदस्यताको विषय निर्विवाद बन्न सकेन । कतिपय पुराना सदस्यले आफ्नो सदस्यता नवीकरण नभएको गुनासो गर्दै अनसन बस्न बाध्य भए, त कतिपय नयाँ सदस्यले सदस्यता लिन नपाएको गुनासो गरे । सदस्यताकै विवादले कांग्रेसको महाधिवेशन पटक–पटक प्रभावित भयो । अहिले पनि सदस्यताकै कारण हतारमा महाधिवेशनको कार्यतालिका ल्याउँदा केन्द्रीय महाधिवेशनअघि १६ जिल्लाले अधिवेशन गर्न नसक्ने अवस्था बनेको छ ।

केन्द्रीय महाधिवेशनअघि जिल्ला अविधेशन नहुने जिल्ला

कैलाली, अछाम, बाँके, सिन्धुली, चितवन, मकवानपुर, बारा, धनुषा, महोत्तरी, पर्सा, रौतहट, सर्लाही, सप्तरी, सिराहा, सिन्धुपाल्चोक, नवलपरासी (बर्दघाटपूर्व)

कुन प्रदेशमा कति ?

प्रदेश १ – १,७४,८१३

प्रदेश २ – १,००,९९९

बाग्मती – १,८६,३३५

गण्डकी – १,१८,१४५

लुम्बिनी – १,३१,११७

कर्णाली–५३,५९६

सुदुरपश्चिम–७५,१०१


उमेर समूहका आधारमा

१६ देखि २५– ३८,९४२

२६ देखि ४० – २,४३,२८७

४१ देखि ६०– ३२११७४

६१ देखि ७५– ८१६४७

७६ देखि माथि– ११,६२३

लैङ्गिक आधारमा

पुरुष– ६,४४,५६५

महिला– १,९५,३७२

अन्य– १६९

समावेशिताका आधारमा

खस आर्य – ३,६७,२७४

दलित – ४४, १७७

आदिवासी जनजाति– २,०६,७३६

मधेशी– ८९,४३९

मुस्लिम– १६,१८२

थारु– २७,३३७

पिछडिएका क्षेत्र– १४,३०६

अपांगता– १८२

अल्पसंख्यक– ६,६२५

प्रकाशित : मंसिर १६, २०७८ १४:४४
पूरा पढ्नुहोस्
प्रतिक्रिया
पठाउनुहोस्
×