करार प्राध्यापकलाई स्वत: स्थायी गर्ने निर्णयको विरुद्ध सत्तारुढ विद्यार्थी संगठनको प्रर्दशन - समाचार - कान्तिपुर समाचार
कान्तिपुर वेबसाईट
AdvertisementAdvertisement

करार प्राध्यापकलाई स्वत: स्थायी गर्ने निर्णयको विरुद्ध सत्तारुढ विद्यार्थी संगठनको प्रर्दशन 

कान्तिपुर संवाददाता

काठमाडौँ — त्रिभुवन विश्वविद्यालयले करारका प्राध्यापकलाई आन्तरिक प्रतिस्पर्धाबाट स्थायी गर्ने निर्णयकाविरुद्ध विद्यार्थीले विरोध र प्रर्दशन थालेका छन् ।

बुधबार नेकपा एकीकृत समाजवादी पार्टीको विद्यार्थी संगठन अनेरास्ववीयूले त्रिवि परिसरमा प्रर्दशन गरेको छ । त्रिवि सभाको बैठकले १० वर्षदेखि करारमा कार्यरत शिक्षक कर्मचारीलाई विशेष आन्तरिक प्रतिस्पर्धाबाट स्थायी गर्ने निर्णय गरेको थियो ।

उक्त निर्णय खारेज हुनुपर्ने विद्यार्थीको माग छ । अनेरास्ववीयूकी महासचिव आरती लामाले आन्तरिक प्रतिस्पर्धाका प्राध्यापक नियुक्त गर्ने निर्णय मान्य नहुने बताइन् । ‘प्रतिस्पर्धाबाट मात्र नियुक्त गरिनुपर्छ, चोरबाटो गरिएको नियुक्ति स्वीकार गर्दैनौं,’ उनले भनिन् । त्रिविको उक्त निर्णयको विरोधमा संयुक्त विद्यार्थी संघसंगठनले पनि आन्दोलनको घोषणा गर्ने तयारी गरेको उनले जानकारी दिइन् ।

त्रिविले करारमा कार्यरत ४ सय ८० प्राध्यापकलाई आन्तरिक प्रतिस्पर्धाबाट स्वत: स्थायी गर्ने निर्णय गरेको छ ।

प्रकाशित : मंसिर १५, २०७८ १६:४०
प्रतिक्रिया
पठाउनुहोस्

भरुवा बन्दुक सहित पक्राउ

कान्तिपुर संवाददाता

संखुवासभा — जिल्ला प्रहरी कार्यालय संखुवासभाले भरूवा बन्दुकसहित एक जनालाई पक्राउ गरेको छ । पक्राउ पर्नेमा पाँचखपन नगरपालिका-५ खमारेका रामबहादुर राई हुन् ।

भरूवा बन्दुक लुकाइ राखेको सूचनाका आधारमा जिल्ला प्रहरी कार्यालय र इलाका प्रहरी कार्यालय वानाबाट खटिएको प्रहरी टोलीले उनलाई बुधबार बिहान पक्राउ गरेको हो ।

पक्राउ परेका राईमाथि थप अनुसन्धान भइरहेको प्रहरीले जनाएको छ ।

प्रकाशित : मंसिर १५, २०७८ १६:३०
पूरा पढ्नुहोस्
प्रतिक्रिया
पठाउनुहोस्
×