बागलुङमा ट्याक्टर दुर्घटना हुँदा दुई जनाको मृत्यु, बालक घाइते- समाचार - कान्तिपुर समाचार
कान्तिपुर वेबसाईट
AdvertisementAdvertisement

बागलुङमा ट्याक्टर दुर्घटना हुँदा दुई जनाको मृत्यु, बालक घाइते

कान्तिपुर संवाददाता

प्रकाश बराल — बागलुङको बलेवास्थित कैयामा ट्याक्टर सडकदेखि खोलामा खस्दा २ जनाको मृत्यु भएको छ । एक जना बालक गम्भीर घाइते भएका छन् ।

बागलुङ नगरपालिका–१४ नारायणस्थानको कैयादेखि कुश्मीसेरा जाँदै गरेको ध १ च ३६० नम्बरको ट्याक्टर सोमबार बेलुकी कालीगण्डकी करिडोरको बलेवा कुश्मीसेरा सडक खण्डको भीरबाट खसेको जिल्ला प्रहरीका सूचना अधिकारी इकवाल हवारीले बताए ।

घटनामा मृत्यु हुनेमा नारायणस्थानकै अन्जादी ५५ वर्षीय शेरबहादुर विक र अन्दाजी ३२ वर्षीय गोरे नेपाली भएको वडा अध्यक्ष चक्रबहादुर खत्रीले बताए । घटनामा घाइते भएका १२ वर्षीय सुदिप केसीलाई उपचारका लागि पर्वत अस्पताल पठाइएको स्थानीयले बताए ।

घटनापछि ट्याक्टर चालक फरार भएका छन् । ट्याक्टर सडकदेखि दुई सय मीटर तल खसेको प्रहरीले बताएको छ । प्रहरी निरीक्षक विजय भण्डारीको नेतृत्वमा विपद् व्यवस्थापन गुल्मका प्रहरीसमेत घटनास्थलमा उद्धारका लागि पठाइएको हवारीले जानकारी दिए ।

प्रकाशित : मंसिर १३, २०७८ २०:०३
प्रतिक्रिया
पठाउनुहोस्

म्याग्दी जीप दुर्घटना : ३ को मृत्यु, ५ जना घाइते [अपडेट]

घनश्याम खड्का

म्याग्दी — सदरमुकाम बेनीबाट रघुगंगा गाउँपालिका–१ बेग गाउँ जाँदै गरेको निलगिरी यातायात प्रालिको ग १ ज ७२५१ नम्बरको जीप सोही गाउँपालिका–१ घाप्पामा दुर्घटना हुँदा अन्दाजी ६२ वर्षीया काखिमनाथ शर्मा, खिम पुन र गौमाया विकको घटनास्थलमै मृत्यु भएको प्रहरीले जनाएको छ ।

प्रहरी नायब उपरीक्षक श्याम राईका अनुसार घटनामा गाडीधनी समेत रहेका चालक दूतबहादुर पुन, मनोज पुन, भीम फगामी, बलबहादुर विक र नाम नखुलेका एक यात्रु घाइते छन् ।

घाइतेहरुको सदरमुकामस्थित बेनी अस्पतालमा उपचार भइरहेको छ । बेनी अस्पतालका अनुसार घाइतेहरुलाई थप उपचारका लागि पोखरा रिफर गर्न लागिएको छ ।

स्थानीय मिलन पुनका अनुसार उकालो सडकको साँघुरो घुम्तीमा जीपले टर्निङ लिन नसक्दा सडकदेखि झन्डै ५० मिटर तल जंगल भएको खोल्सामा खसेको थियो ।

प्रकाशित : मंसिर १३, २०७८ १९:५४
पूरा पढ्नुहोस्
प्रतिक्रिया
पठाउनुहोस्
×