कांग्रेसको निर्वाचन तालिका फेरबदल- समाचार - कान्तिपुर समाचार
कान्तिपुर वेबसाईट
AdvertisementAdvertisement

कांग्रेसको निर्वाचन तालिका फेरबदल

कान्तिपुर संवाददाता

काठमाडौँ — कांग्रेसको प्रदेश र केन्द्रीय महाधिवेशनको तालिका फेरिएको छ । उद्घाटन हुने मिति यथावत् राख्दै महाधिवेशनमा मनोनयनको तालिका फेर्ने निर्णय कांग्रेसका प्रमुख तीन नेताको बैठकबाट गरिएको हो । सोमबार सभापति शेरबहादुर देउवा, वरिष्ठ नेता रामचन्द्र पौडेल र नेता कृष्णप्रसाद सिटौलाको बैठकले मनोनयन तालिका परिमार्जन गरेको हो ।

परिवर्तित तालिकाअनुसार प्रदेशमा यही मंसिर १५ गते हुने भनिएको मनोनयन अब १७ गतेका लागि सारिएको छ । यस्तै, केन्द्रीय महाधिवेशनमा मंसिर २१ गते हुने भनिएको उम्मेदवारहरूको मनोनयन दर्ता मंसिर २५ गतेका लागि सारिएको छ ।

महाधिवेशन उद्घाटनको मिति भने नसारिएको केन्द्रीय निर्वाचन समितिका संयोजक गोपालकृष्ण घिमिरेले जानकारी दिए ।

'यसलाई महाधिवेशन सारिएको भन्न मिल्दैन, प्रविधिक रूपमा मिलाउनका लागि १५ गतेलाई १७ गते मनोनयन दर्ता हुने व्यवस्था मिलाउन मात्र लागिएको हो,' संयोजक घिमिरेले भने, 'महाधिवेशनको तालिका परिवर्तन भएको छैन ।'

प्रकाशित : मंसिर १३, २०७८ १५:४६
प्रतिक्रिया
पठाउनुहोस्

यी हुन् सर्वसम्मत हुन नसकेको एमालेका १६ समूह

कान्तिपुर संवाददाता

काठमाडौँ — एमालेको १०औं महाधिवेशनमा वरिष्ठ उपाध्यक्ष र महासचिव,उपमहासचिव पदबाहेक पदाधिकारीका अन्य पदहरुमा उम्मेदवारी हुने भएको छ । एमालेका प्रमुख निर्वाचन आयुक्त विजय सुब्बाका अनुसार विभिन्न १६ समूहमा चुनावमार्फत नेतृत्व चयन चयन हुनेछ ।

अध्यक्ष, उपाध्यक्ष र सचिवमा निर्विराेध नहुने भएको छ । अध्यक्षमा २, उपाध्यक्षमा ७ र सचिवमा ९ जनाको उम्मेदवारी परेको छ । निर्वाचनबाट १ अध्यक्ष, ५ उपाध्यक्ष र ७ सचिव चयन हुनेछन् ।

सुब्बाका अनुसार प्रदेश-१ र वाग्मती प्रदेशकाे खुला सदस्य, सम्पर्क समन्वय क्षेत्र, कर्णाली र सुदूरपश्चिमकाे खुला सदस्य, सुदूरपश्चिमकाे महिला सदस्य पदमा पनि निर्वाचन हुनेछ ।

यस्तै, आदिवासी जनजनति खुला सदस्य, आदिवासी जनजाति महिला, मधेसी खुला, दलितकाे खुला, थारुकाे खुला, महिला खुला, मुस्लिमकाे खुला र पिछडिएकाे क्षेत्रकाे खुला र महिलामा आवश्यक संख्याभन्दा बढीको उम्मेदवारी परेको छ ।

खुला केन्द्रीय सदस्यमा आवश्यक संख्याभन्दा बढीको उम्मेदवारी परेपछि निर्वाचन हुने एमालेको निर्वाचन समितिले जनाएको छ ।

उम्मेदवारी फिर्ता लिने र उम्मेदवारको अन्तिम नामावली सार्वजनिक गर्ने केही समय बाँकी छ ।

प्रकाशित : मंसिर १३, २०७८ १५:४३
पूरा पढ्नुहोस्
प्रतिक्रिया
पठाउनुहोस्
×