‘भूमिहीनको  व्यवस्थापन हुन्छ’ : मन्त्री श्रेष्ठ

मंगलबार सञ्चारकर्मीसँग कुराकानी गर्दै उनले अहिलेसम्म मन्त्रालयमा औपचारिक कार्यक्रमबाहेक केही नभएको जनाउँदै गरिबी निवारणका लागि योजना बनाएर काम गर्ने स्पष्ट पारिन् ।

'गरिबी निवारणका लागि औपचारिक कार्यक्रम बाहेक केही नभएको रहेछ । अहिले योजना बनाउने काम भइरहेको छ,' उनले भनिन् । कर्मचारी गरिबी निवारण कसरी गर्न सकिन्छ भन्ने विषयमा कार्ययोजना बनाउने काममा व्यस्त रहेको उनको भनाइ थियो ।

फरक प्रसंगमा मन्त्री श्रेष्ठले सुकु्म्बासी समस्या समाधानका लागि संविधानअनुरुप गरिने जानकारी दिए । 'जनताले संविधानप्रदत्त अधिकार प्रयोग गर्न पाउनु पर्छ,' उनले भनिन् । लामो समयदेखि सुकुम्बासी समस्या रहेको जनाउँदै उनले भूमिहीन जनताको छिटो व्यवस्थापन हुन्छ ।

'भूमिहीन जनताले संविधानले दिएको अधिकार उपभोग गर्न पाउँछन्,' उनले भने । अघिल्लो आयोगले गरेका राम्रा कामको स्वामित्व लिँदै जनताका पक्षमा कामगर्ने उनको भनाइ थियो ।