परराष्ट्र सचिवलाई धम्क्याउने ठाकुर मन्त्रालय परिसरबाटै पक्राउ
काठमाडौँ — परराष्ट्र मन्त्रालयका सचिव भरतराज पौडेललाई धम्क्याएको आरोपमा सञ्जयकुमार ठाकुर आइतबार मन्त्रालयबाटै पक्राउ परेका छन् ।
सेवाग्राही बनेर सचिव पौडेललाई भेट्न गएका ठाकुरलाई प्रहरीले मन्त्रालयबाटै पक्राउ गरेको हो । उनलाई थप अनुसन्धानका लागि महानगरीय प्रहरी परिसर टेकु लगिएको छ । धम्क्याउने ठाकुरले प्रहरीलाई आफू पूर्वकर्मचारी भएको बताएका छन् ।
परिसरका एसपी रमेशकुमार बस्नेतले ठाकुरलाई नियन्त्रणमा लिएको र थप अनुसन्धान अघि बढाइएको जानकारी दिए ।
प्रकाशित : कार्तिक ७, २०७८ १६:०९प्रतिक्रिया