स्पेनले दिएको बुद्धमूर्ति नेपाल भित्र्याइयो- समाचार - कान्तिपुर समाचार
कान्तिपुर वेबसाईट
AdvertisementAdvertisement

स्पेनले दिएको बुद्धमूर्ति नेपाल भित्र्याइयो

माधव ढुंगाना

भैरहवा — स्पेनको लुम्बिनी गार्डेन फाउण्डेसनले नेपाललाई उपलब्ध गराएको बुद्धमूर्ति नेपाल ल्याइएको छ । यो मूर्ति भैरहवास्थित निर्माणाधीन गौतम बुद्ध अन्तर्राष्ट्रिय विमानस्थलमा राखिनेछ ।


म्यान्मारमा निर्माण गरिएको मूर्ति हङकङ हुँदै भारतको कोलकाता बन्दरगाहबाट भैरहवा ल्याइएको हो । बिहीबार भैरहवा भन्सार परिसरमा आइपुगेको मूर्तिको शुक्रबार भन्सार प्रक्रिया सबै पूरा गरिएको छ । मूर्तिको भन्सार महशुल १ लाख ५७ हजार ५ सय ८३ रुपैयाँ लागेको छ ।

उक्त मूर्ति करिब २ अर्ब ५० करोड रुपैयाँ लागतमा तयार भएको बताइएको छ । मूर्ति म्यान्मारस्थित खानीसम्बन्धी कम्पनी मालवीन ग्रुपले तयार पारी स्पेनको लुम्बिनी गार्डेन फाउण्डेसनलाई दिएको थियो । फाउण्डेसनले गौतम बुद्ध अन्तर्राष्ट्रिय विमानस्थलमा स्थापनाका लागि नेपाल सरकारलाई हस्तान्तरण गर्न यहाँ ल्याएको हो ।

लुम्बिनी गार्डेन फाउण्डेसन, नेपालका सचिव तुलसीराम लामिछानेले बुद्धमूर्ति बहुमूल्य धातु ‘ह्वाइट जेड’ बाट बनेको र करिब २ अर्ब ५० करोड रुपैयाँ लागत रहेको बताए । करिब ६ महिना लगाएर म्यानमारका भिक्षुहरुले मूर्ति कुदेका थिए । शनिबार उक्त मूर्ति भैरहवा भन्सार कार्यालय परिसरबाट निकालेर भैरहवा–लुम्बिनी क्षेत्र परिक्रमा गराई निर्माणाधीन गौतम बुद्ध अन्तर्राष्ट्रिय विमानस्थल पुर्‍याइने छ ।

यही कात्तिक १४ गते राष्ट्रपति विद्यादेवी भण्डारीले गौतम बुद्ध विमानस्थलमा मूर्तिको अनावरण गर्ने कार्यक्रम तय गरिएको छ । यसअघि कात्तिक १३ गते लुम्बिनीको मायादेवी मन्दिरमा दीप प्रज्ज्वलनसहित शान्तिको कामना गर्न स्पेनका सभामुखको नेतृत्वमा विशेष प्रतिनिधिमण्डल नेपाल आउने कार्यक्रम तय भइसकेको लामिछानेले जनाए ।

प्रकाशित : कार्तिक ५, २०७८ १८:२२
प्रतिक्रिया
पठाउनुहोस्

भारतको जोगबनीमा नेपालीको शव फेला

कान्तिपुर संवाददाता

मोरङ — सीमावर्ती भारतीय बजार जोगबनीमा शुक्रबार एक नेपालीको शव फेला परेको छ । शव विराटनगर-५ कोचाखालका ४५ वर्षीय संजय राईको भएको जिल्ला प्रहरी मोरङका प्रमुख प्रहरी उपरीक्षक जनार्दन जिसीले बताए । उनका अनुसार राईको शव भारतीय सुरक्षाकर्मीले जोगबनीस्थित रेल–वे स्टेसननजिक फेला पारेको हो । 

घटना प्रकृति हेर्दा बाढीले बगाएको हुन सक्ने प्रमुख प्रहरी उपरीक्षक जिसीले बताए । उनले घटनाको वास्तविकता छानबिनपछि मात्रै भन्न सकिने बताए ।


प्रकाशित : कार्तिक ५, २०७८ १८:२२
पूरा पढ्नुहोस्
प्रतिक्रिया
पठाउनुहोस्
×