काठमाडौं फर्किएपछि पीडितलाई राहत र क्षतिपूर्तिबारे निर्णय गर्छु : देउवा

क्षतिको विवरण र पीडितको तथ्यांक संकलन गरेर आवश्यक राहत दिइने उनको भनाइ छ ।

देउवा शुक्रबार बिहान महाकाली बाढीले बगाएको पहुँच मार्गको निरीक्षणमा पुगेका थिए । ‘बेमौसमको वर्षाले पूर्वदेखि पश्चिमसम्म ठूलो क्षति भएको छ,’ उनले भने, ‘हामीले यहाँबाट फर्केर केही न केही निर्णय गर्छौं ।’

बाढी र वर्षाले कैलाली र कञ्चनपुरको धानबालीमा पनि ठूलो क्षति पुर्‍याएकाले किसानलाई उचित राहत प्याकेज घोषणा गरिने उनले बताए । प्रधानमन्त्री देउवासँगै अर्थमन्त्री जनार्दन शर्मा, पर्यटनमन्त्री प्रेमबहादुर आले, कांग्रेस नेता रमेश लेखकलगायत उपस्थित थिए ।