दसैंको रौनक थप्दै दुर्गा झाँकी
कपिलवस्तु — गाउँघरमा दुर्गा झाँकीले दसैंको रौनक थपेको छ । कोरोना संक्रमणका कारण दुई वर्ष यता ननिकालिएको दुर्गा झाँकीले अहिले गाउँघर, चोक, सहर बजार झकीझकाउ बनेको छ ।
चहलपहल बढेको छ । बिहान साँझ दुर्गा पूजा गर्नेको घुईँचो हुने गरेको छ ।
झाँकी स्थलमा पूजाआजा गर्न श्रद्धालुको भीड लाग्ने गरेको छ । माइक बजाएर भजन र धार्मिक गीत बजाउँदा दसैंको माहोल बनेको छ ।
विशेष गरी दक्षिणी क्षेत्रका तौलिहवा, बर्रोहिया, लवनी, महाराजगन्ज, बहादुरगन्ज, चन्द्रौटा र कृष्णनगरमा दर्जनौं झाँकी निकालिएको छ ।
कही घट्स्थापना त, कही सप्तमीबाट झाँकी निकालिएको छ । एकादशीका दिन असोज ३० गते नदी, तलाउमा लगेर धार्मिक विधि पूर्वक रूपमा दुर्गा झाँकी विसर्जन गरिन्छ ।
प्रतिक्रिया